பிப்ரவரி, 2011 க்கான தொகுப்பு

ஊடகவியலாளர்கள் படுகொலையும், மூடிமறைக்கும் இந்து நாளிதழும் !


 

இல‌ங்கையில் கடந்த செவ்வாயன்று (25ஆம் திகதி) தொட‌ங்கி வரும் ஞாயிறு வரை (30 திகதி) வரை “இல‌க்கிய‌த் திருவிழா” காலே ந‌க‌ரில் ந‌டைபெறுகின்ற‌து. இந்த‌ “இல‌க்கிய‌த்திருவிழாவில்” ப‌ங்கேற்க‌‌ வேண்டாம் என்று  ‘Reporters without Borders’ என்ற‌ அமைப்பும், ‘புல‌ம்பெய‌ர்ந்து செய‌ல்ப‌ட்டு வ‌ரும் இல‌ங்கை ப‌த்திரிகையாள‌ர்க‌ளும்’ இணைந்து உல‌க‌ இலக்கிய‌ எழுத்தாள‌ர்களிட‌ம் கோரிக்கை வைத்தார்க‌ள். இந்த‌ கோரிக்கைக்கு ஆத‌ர‌வாக‌ ச‌மூக‌விய‌ல் த‌ள‌ங்க‌ளில் ப‌ல‌ நூல்க‌ள் எழுதியுள்ள‌ நோம் சோம்சுகியும், புக்க‌ர் ப‌ரிசு பெற்ற‌ இந்திய‌ எழுத்தாள‌ர் அருந்த‌தி ராயும், அசுத்திரேலியாவைச் சேர்ந்த‌ அந்தோணியும், இந்தியாவைச் சேர்ந்த‌ புக‌ழ்பெற்ற‌ எழுத்தாள‌ரும், திரைப்ப‌ட‌ க‌லைஞ‌ருமான‌ தாரிக் அலியும், ஆங்கில திரைப்பட இயக்குநரான கென் லோச்சும் த‌ங்க‌ள் கையெழுத்தை பதிந்துள்ளார்கள். இங்கு Reporters without Borders அமைப்பின் கோரிக்கையை நாம் விரிவாக‌ பார்ப்போம்.

பிர‌கீத், அவ‌ர‌து துணைவியார், இர‌ண்டு ம‌க‌ன்க‌ள்

      உல‌கெங்கிலும் உள்ள‌ எழுத்தாள‌ர்க‌ளும், ஊட‌க‌விய‌லாள‌ர்க‌ளும் காலே ந‌க‌ரில் நடைபெறும் “இல‌க்கிய‌ திருவிழாவில்” ப‌ங்கேற்க‌ அணிய‌மாகி(Ready) வ‌ருகின்றார்க‌ள். இந்த‌ நிக‌ழ்ச்சியை “இல‌ங்கை சுற்றுலா துறை” இணைந்து ந‌ட‌த்துகின்ற‌து.  Reporters without Borders அமைப்பும், புல‌ம்பெய‌ர்ந்து செய‌ல்ப‌ட்டு வ‌ரும் இல‌ங்கை ப‌த்திரிகையாள‌ர்க‌ள் அமைப்பும்,    கேலிச்சித்திர‌ ஓவிய‌ர்க‌ளும், ப‌த்திரிகையாள‌ர்க‌ளும், எழுத்தாள‌ர்க‌ளும் இப்பொழுதுள்ள அரசினால் சுத‌ந்திர‌மாக‌ செயல்ப‌ட‌ முடியாம‌ல், அவ‌ர்க‌ள் குர‌ல்க‌ள் ந‌சுக்க‌ப்பட்டு, அவர்களின் உயிர்களுக்கு உத்திரவாதமில்லாத‌ ஒர் ம‌ண்ணில் இந்த‌ “இல‌க்கிய‌ திருவிழா” ந‌ட‌ப்ப‌து வேத‌னைக்குரிய‌ ஒன்றாக கருதுகின்றது.                      

ஐந்தாவது “காலே இலக்கியத் திருவிழாவிற்கு” அழைக்கப்பட்டிருக்கும் உங்களிடம் நாங்கள் ஒரு கோரிக்கை வைக்கின்றோம். மிகவும் மோசமான மனித உரிமை மீறல் வரலாற்றைக் கொண்டதும், பத்திரிகையாளர்களைத் தொடர்ந்து தாக்கியும் வரும் இலங்கைக்கு நீங்கள் செல்லவேண்டுமா என ஒருகணம் சிந்தியுங்கள். “உள்நாட்டுப் போர் முடிந்து பல மாதங்களாகிய பின்னும்,  இன்றும் கூட‌ கொலை செய்தல், தாக்குதல் நடத்துதல்,  கடத்துதல்,  அச்சுறுத்துதல், ஊடகங்களுக்கு கடுமையான‌ தணிக்கை விதித்தல் போன்றவை இலங்கையில் நடந்து வரும் வழமையான செயல்களாக உள்ளன.   இலங்கை அரசின் பாதுகாப்பு செயலர் கோத்தபயா உள்பட அரசின் மிக முக்கியமான பதவிகளில் இருக்கும் அதிகாரிகள், ஊடகங்களின் மீது நடத்தப்பட்ட வன்முறைகளில் பங்கு கொண்டுள்ளார்கள்.

       மிகச்சிறந்த எழுத்தாளர்களான நீங்கள் அங்கு செல்வதன் மூலம் இலங்கையில் உள்ள பேச்சு சுத‌ந்திர‌மே இல்லாத ஒரு மயான நிலைக்கு ஆத‌ர‌வு த‌ருவ‌தாக‌வே கொள்ள‌ப்ப‌டும். மேலும் நீங்க‌ள் அங்கு செல்வ‌த‌ன் மூல‌ம் அங்கு இருக்கும் த‌ற்போதைய‌ நிலையில் எந்த‌ ஒரு மாற்ற‌மும் ஏற்ப‌ட்டு விட‌ப்போவ‌துமில்லை.
   இன்னும் சில நாட்களில் அரசியல் கேலிச்சித்திர‌க் க‌லைஞ‌ரான‌ பிர‌கீத் ஏக்னெலிகோடா காணாமல் போய் இரண்டு ஆண்டுகள் ஆகப்போகின்றது. இவர் மிகவும் பாதுகாப்பு மிகுந்த கொழும்பில் இருந்து கடந்த சனவரி 24, 2009 அன்று (அதிபர் தேர்தலுக்கு சில மணி நேரங்கள் முன்னதாக) கடத்தப்பட்டார். எதிர்கட்சி வேட்பாளரை ஆதரித்து இவர் நாளேடு ஒன்றில் எழுதியதற்கு மறுதினம் இவர் கடத்தப்பட்டார் என்பது குறிப்பிடத்தக்கது. இவரை மீட்பதற்கான எந்த ஒரு நம்பத்தகுந்த‌ விசாரணையையும் இது வரை காவல்துறை மேற்கொள்ளவில்லை. உங்களைப் போலவே தனது மனதில் தோன்றிய கருத்துகளை வெளியிட்டதற்காக இன்று பிரகீத்தின் இரண்டு மகன்களும் தந்தை இல்லாமல் இருக்கின்றார்கள்.

   இதே ச‌ன‌வ‌ரி மாதம் 8ஆம் திகதி 2009 அன்று தான் பிர‌ப‌லமான ப‌த்திரிகையாள‌ரான‌ இல‌ச‌ந்த விக்ர‌ம‌துங்க‌ பாதுகாப்பு மிகுந்த‌ கொழும்பில் வேலைக்கு செல்லும் வ‌ழியில் சுட்டுக்கொல்ல‌ப்ப‌ட்டார். இவ‌ர‌து ப‌டுகொலை ந‌ட‌ந்த‌ இட‌ம் அதி உய‌ர் பாதுகாப்பு வ‌ளைய‌ப் ப‌குதியாகும். இந்த‌ ப‌குதிக்குள் நுழைவ‌த‌ற்கோ, வெளியேறுவ‌த‌ற்கோ ப‌ல‌ இராணுவ‌ த‌டைக‌ளைத் தாண்டி தான் வ‌ர‌ முடியும் என்ற நிலை இருக்கும் பொழுது இல‌ச‌ந்தாவை கொன்ற‌வ‌ர்க‌ள் ம‌ட்டும் மிக‌ எளிதாக‌ அந்த‌ ப‌குதியில் இருந்து த‌ப்பிச் செல்ல‌ முடிந்த‌து ஒரு ஆச்ச‌ர்யமே !. இவர் படுகொலை செய்யப்படுவதற்கு முன்னால் எழுதிய இந்த‌ தலையங்கம் “ஒரு வேளை நான் கொல்லப்பட்டால் அது இலங்கை அரசினால் மட்டுமே அன்றி வேறு யாராலும் அல்ல” உங்களுக்கு கூறும் யார் இவரை படுகொலைகள் செய்தார்கள் என.
 2006லிருந்து இது வ‌ரை 16 ப‌த்திரிகையாள‌ர்க‌ள் கொல்ல‌ப்ப‌ட்டுள்ளார்க‌ள், மூன்று பேர் காணாம‌ல் போயுள்ளார்க‌ள். முப்ப‌துக்கும் மேற்ப‌ட்ட‌ ஊட‌க‌விய‌லாள‌ர் த‌ங்க‌ள‌து உயிரைக் காப்பாற்றிக்கொள்ள‌ நாட்டை விட்டு வெளியேறியுள்ளார்க‌ள். மேலும் த‌ற்பொழுது இல‌ங்கையில் உள்ள ப‌த்திரிகையாள‌ர்க‌ளும், எழுத்தாள‌ர்க‌ளும் தொட‌ர்ந்து அச்சுறுத்த‌ப்ப‌ட்டும், தாக்க‌ப்ப‌ட்டும் வ‌ருகின்றார்க‌ள். அவ‌ர்க‌ள் எழுதிய‌ க‌ட்டுரைக‌ளை ம‌ட்டும் வைத்துக் கொண்டு அவ‌ர்க‌ளை 20 வ‌ருட‌ங்க‌ள்  சிறையில் அடைக்க‌லாம் என்ப‌தே அங்குள்ள‌ தற்போதைய சட்டமுறை.

  விடுத‌லைப்புலிக‌ளுக்கும், அர‌சிற்கும் இடையே ந‌டைபெற்ற‌ இறுதிப் போரில் செய்தி சேகரிக்கவும், போரினால் ஏற்பட்ட மனித உயிரிழப்புகள் குறித்த செய்தி வெளியிடவும் எந்த ஒரு ஊடகவியலாளருக்கும் இசைவு(Permission) அளிக்க‌ப்ப‌ட‌வில்லை. த‌ற்பொழுது இல‌ங்கையின் போர்க்குற்ற‌ங்க‌ள் ஒவ்வொன்றாக‌ வெளிவ‌ர‌த் தொட‌ங்கியுள்ள்ன‌. இந்த‌ நிலையில் அங்குள்ள‌ ஊட‌க‌விய‌லாள‌ர்க‌ள் இதைப் ப‌ற்றி பேசவோ அல்லது வடக்கு பகுதிக்கு சென்று உண்மை நிலையை கண்டுணரவோ முடியாது. அவ்வாறு சென்றால் அவர்கள் கடத்தப்படலாம் அல்லது கொலை செய்யப்படலாம் என்ற‌ நிலையே அங்கு நிலவுகின்றது.
இலங்கையில் நிலைமை இவ்வாறு இருக்கும் போது அங்கு நீங்கள் செல்வது இந்த நிலைக்கும், இதை எல்லாம் நடத்தும் அரசிற்கும் நீங்க‌ள் ஆத‌ர‌வளிக்கின்றீர்க‌ள் என்றே க‌ருத‌ப்ப‌டும்.
 நீங்கள் இந்த நிகழ்விற்கு செல்லாமல், இல‌ங்கையில் அரச ஒடுக்குமுறையினால் பேச‌ முடியாம‌ல் உள்ள‌ ச‌கோத‌ர‌ ச‌கோத‌ரிக‌ளுக்கும்,  ஊட‌க‌ சுத‌ந்திரத்திற்கும் ஆத‌ர‌வ‌ளிக்குமாறு உங்க‌ளை நாங்க‌ள் கேட்டுக்கொள்கின்றோம். மேலும் நிலைமை இவ்வாறு இருக்கும் போது நீங்க‌ள் எவ்வாறு இல‌க்கிய‌த்தை காலேவில் கொண்டாட‌முடியும்? (1)
….

இந்த‌ கோரிக்கைக்கு முத‌ன் முத‌லாக‌ மொழி, ச‌மூக‌ம் ப‌ற்றி ப‌ல‌ நூல்க‌ள் எழுதியுள்ள‌ நோம் சோம்சுகியும், புக்கர் பரிசு பெற்ற இந்தியாவின் அருந்த‌தி ராயும் ஆத‌ர‌வ‌ளித்து கையெழுத்திட்ட‌து ம‌ட்டும‌ல்லாம‌ல் அவ‌ர்க‌ள் இருவ‌ரும் உல‌க‌ இல‌க்கிய‌ எழுத்தாள‌ர்க‌ளை நோக்கி இந்த‌ கோரிக்கையை முன்வைத்தார்க‌ள். இத‌ன் பின்ன‌ர் இந்த‌ கோரிக்கைக்கு ஆத‌ர‌வாக துருக்கியைச் சேர்ந்த நோப‌ல் ப‌ரிசு பெற்ற‌ இல‌க்கிய‌ எழுத்தாள‌ரான‌ ஒர்கான் பாமுக், இல‌ங்கை காலே இல‌க்கிய‌ திருவிழாவைப் புற‌க்க‌ணிக்க‌ப்போவ‌தாக‌ அறிவிப்பு வெளியிட்டார். இவ‌ரைத் தொட‌ர்ந்து இந்திய‌ எழுத்தாள‌ரான‌ கிர‌ன் தேசாய் சில‌ கார‌ண‌ங்க‌ளுக்காக‌ காலே இல‌க்கிய‌த் திருவிழாவில் ப‌ங்கேற்க‌ப்போவ‌தில்லை என‌ அறிவித்தார்.(2)


  Reporters without Borders மற்றும் புலம் பெயர்ந்த இலங்கை ஊடகவியலாளர்களின்  கோரிக்கையையோ, ஓர்கான் பாமுக் இந்த‌ நிக‌ழ்வில் ப‌ங்குகொள்ள‌ப்போவ‌தில்லை என்று கொடுத்த‌ அறிக்கையையோ “ஊட‌க நேர்மையை க‌டைபிடிக்கும்” இந்து நாளேடு மறந்தும்கூட‌ வெளியிட‌வில்லை. மாறாக Reporters without Borders அமைப்பின் கோரிக்கை ஆதரித்து ஓர்கான் பாமுக் காலே இலக்கிய திருவிழாவில் க‌ல‌ந்து கொள்ளவில்லை என்ற செய்திக்கு இல‌ங்கை அர‌சு வெளியிட்ட‌ ம‌றுப்பு அறிக்கையை ம‌ட்டும் வெளியிட்டு த‌ன‌து “ஊட‌க‌ நேர்மையை” உறுதி செய்து கொண்டுள்ள‌து இந்து நாளித‌ழ்.
  த‌ன‌து ச‌க‌ ப‌த்திரிகையாள‌ர்கள் இல‌ங்கை அர‌சால் கொல்ல‌ப்ப‌டும், கடத்தப்படும் நிக‌ழ்வுகளை ம‌றைத்து, அதற்கு இல‌ங்கை அர‌சு வெளியிடும் பொய்யான‌ மறுப்பு அறிக்கைகளை ம‌ட்டுமே வெளியிடும் இந்து நாளித‌ழிற்கும், குறிப்பாக சொல்லவேண்டுமென்றால் இலங்கை அரசு செய்யும் எந்த ஒரு கொலையையும், கடத்தலையும் செய்தியாக தராமல் இலங்கை அரசு மீது ஒரு தவறான கருத்து சர்வதேச அரங்கில் உருவாகும் பொழுது (குறிப்பாக இந்தியாவில்) அதனை மறுதளித்து செய்தி வெளியிட்டு இலங்கை அரசின் அரசாங்க ஊடக பிரிவாகவே செயல்பட்டுவருகிறது இந்து நாளிதழ். இந்த‌ ஊடகவியலாளர் ப‌டுகொலைக‌ளை அர‌ங்கேற்றுவ‌தாக‌ க‌ருத‌ப்ப‌டும் இல‌ங்கை அர‌சிற்கும் அதை மூடி மறைக்கும் இந்து நாளிதழுக்கும் எதாவ‌து ஒரு வேறுபாடு இருக்கின்ற‌தா என‌ வாச‌க‌ர்க‌ளாகிய‌ நீங்க‌ள் உங்க‌ளை கேட்டுப்பாருங்க‌ள். அப்பொழுது உங்க‌ளுக்கு புரியும் இந்த‌க் க‌ட்டுரையின் த‌லைப்பு.

நேற்று Reporters without Borders, புலம்பெயர்ந்த இலங்கை ஊடகவியலாளர்களின் கோரிக்கையை ஆதரித்து தென் ஆப்பிரிக்க எழுத்தாளரான கால்கத் கையெழுத்திட்டுள்ளார்.(4)

Reporters without Borders, புலம்பெயர்ந்த இலங்கை ஊடகவியலாளர்களின் கோரிக்கையை ஆதரித்து நீங்கள் ஆதரித்து கையொப்பமிட இந்த சுட்டிக்குச் செல்லுங்கள்

http://en.rsf.org/sri-lanka-galle-literary-festival-appeal-19-01-2011,39355.html

த‌ர‌வுக‌ள்:
1) http://en.rsf.org/sri-lanka-galle-literary-festival-appeal-19-01-2011,39355.html

2) http://epaper.timesofindia.com/Repository/ml.asp?Ref=VE9JQ0gvMjAxMS8wMS8yMiNBcjAxNTAy&Mode=HTML&Locale=english-skin-custom

3) http://www.thehindu.com/news/international/article1116277.ece

4)  http://news.yahoo.com/s/afp/20110127/wl_sthasia_afp/srilankasafricabooksrightspeoplegalgut_20110127062739

ந‌ற்ற‌மிழ‌ன்.ப‌

We thought of releasing this article in english will help to show the true face of the Hindu in other state’s also.

……..

 Is Hindu covering up the journalist’s assasination and Disapperance’s

The Galle literary festival was running from 25th Jan and ended by 30th Jan in Galle, 72 miles south of colombo. Paris based Reporters Without Borders (RSF) and  Journalists for Democracy in Sri Lanka (JDS), a network of exiled Sri Lankan journalists last week asked foreign writers and others to boycott the five day Galle festival because of alleged rights abuses in Sri Lanka. Noted writers like Noam Chomsky, booker price winner arundhathi roy, Antony Loewenstein a writer from Australia, India’s another famous writer Tariq Ali and famous english director Ken Loach had called for boycott of this event and have signed in a petition to boycott Galle Literary Festival(GLF).

The full version of the Galle Appeal petition is below:”We urge you who have been invited to attend the fifth Galle Literary Festival (26-30 January 2011) to consider Sri Lanka’s appalling human rights record and targeting of journalists. Reporters without Borders said this about Sri Lanka in a recent report: “Murders, physical attacks, kidnappings, threats and censorship continue in Sri Lanka despite the end of the civil war. The most senior government officials, including the defence secretary (the President’s brother), are directly implicated in serious press freedom violations affecting both Tamil and Sinhalese journalists.”We believe this is not the right time for prominent international writers like you to give legitimacy to the Sri Lankan government’s suppression of free speech by attending a conference that does not in any way push for greater freedom of expression inside that country.

The second anniversary of journalist and cartoonist Prageeth Ekneligoda’s disappearance will be on 24 January 2011, just two days before the Galle Literary Festival begins. He went missing in the capital city after writing a column praising the opposition candidate in the presidential election. The police have failed to conduct a credible investigation into his disappearance. Today, because Prageeth chose to do what you do – express an opinion – his two young sons are without a father.

Another renowned journalist, Lasantha Wickremetunga, was gunned down in the capital on 8 January 2009. Although his murder took place in a high-security area where security forces personnel were manning roadblocks, his killers were allowed to escape. In a chilling editorial published posthumously, Mr. Wickremetunga said: “When I am finally killed, it will be the government who killed me.”Fourteen journalists have been killed since 2006, three have disappeared, and more than 30 have fled the country.

Journalists, writers and performers remaining in the country are constantly threatened, physically attacked or cowed by legislation under which they can be jailed them for up to 20 years simply for what they write.The stifling of free expression has also had a negative impact on other freedoms in Sri Lanka. For instance, it was because journalists were not permitted to cover the war between the government and rebel LTTE that so many atrocities took place, including alleged war crimes. While mounting evidence of Sri Lanka’s war crimes is being shown around the world, journalists inside the country cannot talk about them or even visit the northern areas because they are afraid that they will disappear or be killed.

It is this environment that you will be legitimizing by your presence.We ask you in the great tradition of solidarity that binds writers together everywhere, to stand with your brothers and sisters in Sri Lanka who are not allowed to speak out. We ask that by your actions you send a clear message that, unless and until the disappearance of Prageeth is investigated and there is a real improvement in the climate for free expression in Sri Lanka, you cannot celebrate writing and the arts in Galle”.[1]

Towards this noted writers like Noam Chomsky and booker price winner Arundhathi Roy have not only signed the Reporters without borders(RSF) petition but also called for other (writers) who are invited for GLF to boycott this event. Following this, Turkish Nobel Laureate Orhan Pamuk (who already condemned turkey government for killing and oppressing kurdish peopleand their liberation) ,another booker prize winning author Kiran Desai were also not attended the GLF for reasons unknown.[2] On 27th Jan, Galgut a winner of the Commonwealth Writers’ Prize in 2003 for “The Good Doctor”, set in post-apartheid South Africa, declined to take part in the Galle Literary Festival despite arrived to Sri Lanka and showed his solidarity to oppressed journalists, supports freedom for speech.[3]

The so called “neutralised” daily paper The Hindu which preaches the media integrity havent published the petition drafted by Reporters without borders and Journalists for Democracy in Srilanka. Also they havent published the Galgut, Orhan Pamuk and Kiran Desai publishers report for not attending the GLF. Rather The Hindu only published the Sri Lankan government’s justification for Orhan Pamuk not attending the GLF.[4]

When the fellow journalists are being murdered and disappear in Sri Lanka, The Hindu hides all those facts and blatantly twist the facts and publishes only the report given by the Srilankan government. To be more precise, The Hindu never reported any murders or the disappearances in srilanka which are allegedly carried out by the Sri Lankan government itself. The Hindu always try to politically back the srilankan government on its involvement in Human rights violation and reported genocide in the international arena and particularly in India. This clearly shows The Hindu more act as a Srilankan’s goverment media division rather than bringing the truth and justice.Its left to the audience to decide whether is there any difference

between srilankan government alleged for all these murders and The Hindu which hide all these facts. This questions Hindu’s integrity towards journalism and shows its biased nature towards Srilankan government.

References:
1) http://en.rsf.org/sri-lanka-galle-literary-festival-appeal-19-01-2011,39355.html
2) http://epaper.timesofindia.com/Repository/ml.asp?Ref=VE9JQ0gvMjAxMS8wMS8yMiNBcjAxNTAy&Mode=HTML&Locale=english-skin-custom
3) http://news.yahoo.com/s/afp/20110127/wl_sthasia_afp/srilankasafricabooksrightspeoplegalgut_20110127062739
4) http://www.thehindu.com/news/international/article1116277.ece

Translated by : Ponraj .M.R.

Tamil version is published in Keetru.

Advertisements

கூப(கியூப) மருத்துவத்துறை ஹைத்தியில் என்ன செய்தது என உங்களில் யாருக்காவது தெரியுமா?


                        

      ஹைத்தியில் நடைபெற்ற இயற்கைப் பேரழிவிலிருந்து மக்களைக் காப்பாற்றிய அவர்கள் தான் உண்மையான நாயகர்கள். தன் நாட்டுக்கு மிக அருகிலேயே நடைபெற்ற இந்த மனிதப்பேரழிவிலிருந்து மக்களை காப்பது தான் எங்கள் கடமை என்று வட அமெரிக்க அதிபர் பராக் ஒபாமா உறுதியேற்ற போதிலும், அவர்களை காப்பாற்றியது என்னவோ வட அமெரிக்கா எதிரியாக கருதும் கூபா தான். ஆம் கூப மருத்துவர்களும், செவிலியர்களும் ஆற்றிய பணிகள் தான் வட அமெரிக்காவின் உண்மையான முகத்தை மக்களுக்கு தோலுரித்து காட்டியது என்றால் அது மிகையாகாது.

    1,200 கூபர்களைக் கொண்ட ஒரு மருத்துவப்படையணி நிலநடுக்கத்தாலும், காலராவாலும் பாதிக்கப்பட்ட ஹைத்தி முழுக்க பணியாற்றி வருகின்றார்கள். கூப அதிபர். பிடல் காசுட்ரோவின் பன்னாட்டு மருத்துவ திட்டம் சோசலிச கூபாவிற்கு பல நண்பர்களை உருவாக்கி தந்திருக்கின்றது, ஆனால் உலக அளவில் இந்த திட்டத்திற்கான அங்கீகாரம் என்பது மிக மிக சிறிய அளவிலேயே உள்ளது ஒரு நகைமுரணாகும்.
                     2,50,000 பேர் உயிரிழந்து, 15 இலட்சத்திற்கும் மேலான மக்கள் வீடிழந்த ஹைத்தி நிலநடுக்கத்தால் ஏற்பட்ட இன்னல்களைச் சரி செய்து மக்களை காப்பாற்றி வருவது பன்னாட்டு தொண்டு நிறுவனங்கள் தான் என நீங்கள் எண்ணியிருந்தால் உங்களை ஆண்டவர் மன்னிப்பாராக. 1998லிருந்து 350 கூப மருத்துவ ஊழியர்கள் ஹைத்தி மக்களுக்கு மருத்துவம் செய்து வருகின்றார்கள். நில நடுக்கம் ஏற்பட்ட உடனே இந்த 350 பேர் கொண்ட மருத்துவக்குழு வேலையில் இறங்கியது. வட அமெரிக்காவிலிருந்தும், இங்கிலாந்து அரசிடமிருந்தும் உதவிகள் வரும் என்று உலக ஊடகங்கள் கூவிக்கொண்டிருந்த வேளையில், நூற்றுக்குமேற்பட்ட‌ கூப மருத்துவர்களும், செவிலியர்களும் எந்த ஒரு சிறு அறிவிப்பும் இன்றி ஹைத்தியில் வந்திறங்கினார்கள். பெரும்பாலான நாடுகளின் உதவிக்குழுக்கள் வழமை போலவே கூப மருத்துவர்கள் குழுவையும், எல்லையில்லா மருத்துவர்கள் குழுவையும்(Doctors without Borders) தனியே விட்டு விட்டு இரண்டு மாதங்களில் பெட்டியைக் கட்டிக்கொண்டு தங்கள் நாடுகளுக்கு பயணமாகினார்கள்.  கூப மருத்துவ குழுவும், எல்லையில்லா மருத்துவர்கள் குழுவும் தான் ஏழ்மையில் வாடும் மேற்கிந்திய தீவு மக்களுக்கு மருத்துவம் அளிக்கும் முதன்மையான‌ அமைப்புகளாகும்.

                               2010 ஒக்டோபரில் இருந்து இன்று வரை 30,000ற்கும் அதிகமான காலரா நோயாளிகளை 40 மருத்துவ மையங்களில் உள்ள கூப மருத்துவக்குழு குணப்படுத்தியுள்ளது என தற்பொழுது வெளியாகியிருக்கும் புள்ளிவிவரம் தெரிவிக்கின்றது. ஹைத்தியில் உள்ள 40விழுக்காடு காலரா நோயாளிகளைக் குணப்படுத்தியுள்ள கூப மருத்துவர்கள் குழு தான் ஹைத்தியிலுள்ள மிகப்பெரிய வெளிநாட்டு மருத்துவக்குழு ஆகும்.இதுமட்டுமன்றி அண்மையில் ஹைத்தியில் நூற்றுக்கும் அதிகமான மக்கள் ஒரு குறிப்பிட்ட நோயினால் மரணமடைவதை அறிந்ததும் கூபாவின் இயற்கைப் பேரழிவு, சிறந்த மருத்துவ நிபுணர்களைக் கொண்ட அவசர காலக் குழுக்களில் ஒன்றான ஹென்றி ரீவ் மருத்துவ படையணியும்  ஹைத்திக்கு வந்து சேர்ந்தது.

கூபாவில் மிகவும் முன்னேறிய நிலையில் உள்ள மருத்துவ மையமான‌‌ Escuela Latinoamericana de Medicina en cuba (Elam)வில் 1998லிருந்து 550 ஹைத்தி மருத்துவர்களுக்கு இலவசமாக பயிற்சி அளிக்கப்பட்டுள்ளது. மேலும் பணம் இல்லாத காரணத்தினால் தனது நாட்டில் மருத்துவம் படிக்க முடியாத திறமையான 400 மாணவர்கள் இன்று கூபாவில் மிக மிக குறைந்த செலவில் மருத்துவ படிப்பு பயின்று வருகின்றார்கள்.

   கனடாவின் டல்கௌவுசி பல்கலைக்கழகத்தில் இலத்தின் அமெரிக்க கற்கைகளுக்கான விரிவுரையாளர் சான் கிர்க் கூபாவின் பன்னாட்டு மருத்துவக்குழுக்களைப் பற்றி பகுப்பாய்வு(Research) செய்துள்ளார். அவர் கூறுகையில்

   “ஹைத்தி நிலநடுக்கத்தில் பெரும்பாலான மருத்துவப்பணிகளை கூப மருத்துவக்குழு மட்டுமே செய்துள்ளது, ஆனால் இதைப்பற்றி யாரும் வாய்திறக்காமல், இதை ஏதோ உலக இரகசியம் போல வைத்துள்ளன உலக நாடுகள்”.
          இது ஏதோ இன்று புதிதாக நடக்கும் ஒன்றல்ல, நிலநடுக்கத்தால் பாதிக்கப்பட்ட சிலே நாட்டுக்கு 1960ல் ஒரு மருத்துவ படையணி சென்றதையும், 1963ல் அல்சீரியா நாட்டிற்கும் 50 பேர் கொண்ட மருத்துவக்குழு சென்ற தகவல்களும் உலகால் மறைக்கப்பட்ட ஒன்று தான். புரட்சி நடந்து நான்கு ஆண்டுகளில் மேற்கூறிய நிகழ்வுகளை கூபா நடத்தி காட்டியது. இந்த காலகட்டத்தில் நாட்டில் பாதிக்கும் மேற்பட்ட(7,000) மருத்துவர்கள் வட அமெரிக்காவை நோக்கி பறந்து கொண்டிருந்த காலம் என்பது இங்கே நினைவுகூறத்தக்கது.

இது போன்று பல நாடுகளுக்கு பயணம் செய்யும் மருத்துவ குழுக்கள் மூலமாக கூப நாட்டிற்கு பல நண்பர்கள் உலகம் முழுவதும் உருவாகியுள்ளார்கள் .
இதில் மிகவும் குறிப்பிடத்தகுந்த திட்டம் என்றால் “ஒப்பரேசன் அதிசயத்தை” கூறலாம். கூபாவிற்கு வெனிசுவேலா கொடுக்கும் எண்ணெய்க்கு பதிலாக கூப கண் மருத்துவர்கள் வெனிசுவேலாவில் ஏழ்மையில் வாடும் கண் நோயாளிகளுக்கு மருத்துவம் பார்க்க வேண்டும் என்பதே அத்திட்டமாகும். இந்த திட்டத்தை தொடர்ந்து 35 நாடுகளில் 18 இலட்சத்திற்கும் அதிகமான மக்களின் கண் தொடர்பான பிரச்சனைகள் கூப மருத்துவர்களால் களையப்பெற்று அவர்களுக்கு எல்லாம் கண் பார்வை மீளக்கிடைத்துள்ளது. இதில் 1967 சே குவாராவைக் கொன்ற பொலிவிய காவலாளியான மரியோ தெரனும் அடங்குவார் (அவரது கண் பார்வையையும் மீட்டுக்கொடுத்தது கூப மருத்துவக்குழுவே).

   கத்ரினா புயலுக்குப் பின்னர் பல வட அமெரிக்க மருத்துவர்களும்(முன்னாள் கூபர்கள்) ஹென்றி ரீவ் மருத்துவ படையணியில் சேர்ந்துகொண்டார்கள். இந்த மருத்துவ படையணி தான் 2005ல் நிலநடுக்கத்தால் பாதிக்கப்பட்ட பாகிசுதானுக்கு முதலில் சென்று மருத்துவ உதவி செய்தது, வழமை போலவே மற்ற எல்லா தொண்டு நிறுவனங்கள் கிளம்பிய பிறகும், ஆறு மாதங்கள் கழித்தே இவர்கள் நாடு திரும்பினார்கள்.

      
  விரிவுரையாளர் கிர்க் மேலும் கூறுகையில்

  “உலக நாடுகளில் வாழும் மக்களுக்கு ஆதரவளிப்பது(Solidarity) என்ற கொள்கைக்காக மட்டும் இல்லாமல்  கூப அரசியலமைப்பில் உள்ள வறுமையில் வாடும் நாடுகளுக்கு தேவைப்படும் பொழுது எல்லாம் உதவ வேண்டும் என்ற நோக்கத்தை நிறைவேற்றும் பொருட்டே இம்மருத்துவ படையணிகள் உருவாக்கப்பட்டுள்ளன. “கூபாவில் குறைந்த அளவு மட்டுமே ஊதியம் பெறும் இம்மருத்துவர்கள் இந்த குழுக்களுடன் பயணிப்பதன் மூலம் அதிகமான ஊதியம் கிட்டுவதுடன், தாங்கள் படித்த நோய்களைப் பற்றி மேலும் தெரிந்து கொண்டு அதை தடுக்கும் வழிமுறைகளில் அவர்கள் ஈடுபடவும் உதவுகின்றது. அதிபர் பிடலின் முக்கியக் கொள்கையான இந்த மருத்துவ குழுக்களினால் ஐக்கிய நாடுகள் சபையில் கூபாவிற்கு ஆதரவாக வாக்குகளும் விழுந்துள்ளது”.

    எல் சாவேதார், மாலி, கிழக்கு திமோர் உள்பட 77 வறிய நாடுகளில் 25,000 கூப மருத்துவர்களும்(கூபாவின் மொத்த மருத்துவர்களின் எண்ணிக்கையில் மூன்றில் ஒரு பங்கு), 10,000ற்கும் அதிகமான மருத்துவ ஊழியர்களும் வேலை
செய்து வருகின்றார்கள். இவ்வளவு மருத்துவர்கள் கூபாவை விட்டு வெளியே பணியாற்றி வந்த போதும் கூபாவில் 220 மக்களுக்கு ஒரு மருத்துவர் என்ற விகிதம் உள்ளது என்பதும், இது தான் உலகிலேயே முதல் பெரிய விகிதம் என்பதும் குறிப்பிடத்தக்கது. இங்கிலாந்தில் 370 மக்களுக்கு ஒரு மருத்துவர் என்ற விகிதமே இதற்கு அடுத்ததாகும்.

 
          எங்கெல்லாம் கூப மருத்துவர்கள் அழைக்கப்படுகின்றார்களோ அந்த பகுதிகளில் எல்லாம் அவர்கள்  நோயை தடுக்கும் வழிமுறைகளை செயல்படுத்தியும், வீடுகளுக்குச் சென்று மருத்துவம் செய்தும், குறிப்பாக பிரசவ கால பெண்களின் உடல்நிலையையும், குழந்தைகளின் உடல்நிலையை தொடர்ந்து கவனித்தும் வருகின்றார்கள். இந்த முறைகளின் மூலமாக “மிகப்பெரிய வித்தியாசத்தை” எல் சாவேதார், கௌதமாலா, கோண்டுராஸ் நாடுகள் கண்டுள்ளன. பிரசவ கால, குழந்தைகள் இறக்கும் விகிதம் குறைந்துள்ளது, குழந்தைகளுக்கு ஏற்படும் தொற்று நோய்களின் விழுக்காடும் குறைந்து உள்ளது. மேலும் அந்தந்த நாடுகளில் இருக்கும் மருத்துவர்களுக்கு தேவையான பயிற்சியையும் இந்தக்குழு  அளிக்கின்றது என சான் கிர்க் தனது பகுப்பாய்வின் மூலம் நிறுவி உள்ளார்.

    கூபாவில் மருத்துவ பயிற்சி ஆறு ஆண்டுகாலமாகும்(இங்கிலாந்தை விட ஒரு ஆண்டு அதிகம்). பயிற்சி முடிந்த பின்னர் ஒவ்வொருவரும் குடும்ப மருத்துவர்களாக குறைந்தபட்சம் மூன்று ஆண்டுகள் வேலை செய்யவேண்டும். இவர் வாழும் சமூக கூட்டமைப்பில் உள்ள 150லிருந்து 200 மக்களுக்கு  மருத்துவம் பார்க்கவேண்டும், இவருக்கு உறுதுணையாக ஒரு செவிலியர் இருப்பார்.
          இந்த திட்டத்தின் மூலமாக கூபா உலகில் எந்த நாடும் அடைய முடியாத பல்வேறு மருத்துவ முன்னேற்றங்களை அடைந்துள்ளது, ஆனால் ஒரு இதற்காக ஒரு ஆண்டிற்கு நபர் ஒன்றுக்கு அரசு செய்யும் செலவு 400 டாலர் மட்டுமே. இதுவே இங்கிலாந்தில் நபர் ஒன்றுக்கு அரசு செய்யும் செலவு 3000 டாலர்களாகவும், வட அமெரிக்காவில் 7,500 டாலர்களாகவும் இருக்கின்றது என பொருளாதார மற்றும் அபிவிருத்திக்கான‌ கூட்டமைப்பின் புள்ளிவிவரங்கள் தெரிவிக்கின்றன.

   ஒரு நாட்டிலுள்ள மருத்துவதுறையின் செயல்பாடுகளை அறியும் மிக முக்கியமான குறியீடான பிரசவத்தின் போது குழந்தைகள் இறக்கும் விகிதம் கூபாவில் 1000ற்கு 4.8 ஆக உள்ளது. இது இங்கிலாந்தில் உள்ள விகிதத்திற்கு சமமாகவும், வட அமெரிக்காவில் உள்ள விகிதத்தை விட குறைவானதும் ஆகும். நீண்ட கால உடல் நலத்தில் முக்கிய பங்கு வகிப்பது பிறந்த குழந்தையின் எடையாகும். கூபாவில் 5 விழுக்காடு குழந்தைகளே பிறக்கும் போது குறைவான எடையுடன் பிறக்கின்றார்கள். மேலும் பிரசவ காலத்தின் போது ஏற்படும் இறப்பு விகிதத்தில் இலத்தின் அமெரிக்காவிலேயே கூபா தான் மிகக்குறைவான இறப்பு விகிதம் கொண்ட நாடாகும். இந்த புள்ளிவிவரங்கள் எல்லாம் உலக சுகாதார நிறுவனத்தால்(WHO) எடுக்கப்பட்டவையாகும். கூபாவில் உள்ள மருத்துவ மையங்கள் 24 மணி நேரமும் இயங்குகின்றன. அவசர மற்றும் சிறப்பு மருத்துவ மையங்கள் குடும்ப மருத்துவமையங்களுக்கு அடுத்த நிலையில் உள்ளவையாகும், இந்த மையங்களில் முழு நேர மருத்துவ ஆலோசகர்களும், சிறப்பு மருத்துவர்களும் உள்ளார்கள். இந்த இரண்டு மையங்கள் மூலமாகவும் 15,000லிருந்து 20,000 வரையிலான நோயாளிகள் 24 மணி நேரமும் மருத்துவ உதவி பெறுகின்றார்கள்.

கூபாவின் மூன்றாவது பெரிய நகரமான காமாகுவேயில் நடைபெறும் பன்னாட்டு மருத்துவ ஊழியர்களுக்கான பயிற்சிப்பட்டறையை தலைமை ஏற்று நடத்தும் டெர்பியைச்(இங்கிலாந்து) சேர்ந்த குழந்தைகள் நல மருத்துவரான இமிதி சோனாரா கூறுகையில் “கூபாவில் உள்ள மருத்துவத்துறை மிகவும் சிறப்பாக உள்ளது. குறிப்பாக குடும்ப மருத்துவர்கள், அவர்களின் தன்னார்வம் நோய் உருவாகும் வாய்ப்புகளை தடுக்கின்றது…………..இதில் வேடிக்கையான நிகழ்வென்னவென்றால் புரட்சி வெற்றி பெற்ற பின்னர் இங்கிலாந்து வந்து தேசிய சுகாதார மையம்(NHS) எவ்வாறு வேலை செய்கின்றது என பார்த்து கற்றுக்கொண்டு, அதை மேலும் முறைப்படுத்தி அடுத்த நிலைக்கு அவர்கள் கொண்டு சென்றுள்ளார்கள், ஆனால் இங்கிலாந்தோ இன்று வட அமெரிக்கா மாதிரியை( (தனியார் மருத்துவ காப்பீட்டு நிறுவனங்க‌ளைச் சார்ந்தது) நோக்கிச் சென்று கொண்டிருக்கின்றது”.
                                                கூப மருத்துவதுறையில் பெரும்பாலான இடங்களில் அரசியல் ஊடுவிச்செல்கின்றது. வட அமெரிக்காவின் தடையின் மூலமாக(வட அமெரிக்கா மற்ற நாடுகள் கூபாவுக்கு மருத்துவ கருவிகள் ஏற்றுமதி செய்வதையும் தடுத்து வருகின்றது)  தங்களுக்கு கிடைக்காத மருந்துகள், மருத்துவ கருவிகளின் பட்டியலை ஒவ்வொரு வருடமும் மருத்துவ மனைகள் தயார் செய்து அரசிடம் கொடுக்கின்றன. 2009/10 ஆண்டிற்கான பட்டியலில் குழந்தைகளுக்கு ஏற்படும் புற்று நோயை குணப்படுத்துவதற்கான மருந்துகள், எச்.இ.வி, அர்திரிடீசு நோய்களை குணப்படுத்துவதற்கான மருந்துகள், சில மயக்க மருந்துகள், நோய்களை கண்டறியவும், உடல் உறுப்புகளை பாதுகாப்பாக வைக்க உதவும் சில வேதிப்பொருட்களும் தங்களிடம் இல்லை என அறிவிக்கின்றது. கூபாவில் உள்ள மருந்தகங்களை ஒரு நீண்ட‌ வரிசையிலான மக்களைக் கொண்டு எளிதாக அடையாளம் காணலாம், ஒரு சில முறையான மருந்துகள் மட்டுமே ஒழுங்காக வைக்கப்பட்டிருக்கும். மீதமுள்ள மருந்துகள் எல்லாம் ஒழுங்கற்றே வைக்கப்பட்டிருக்கும்.  
                                     சுகாதார அமைச்சகத்தில் பணிபுரியும் அந்தோனியோ பெர்ணான்டசு கூறுகையில் “எங்களுக்கு தேவையான 80 விழுக்காடு மருந்துகளை நாங்களே உற்பத்தி செய்கின்றோம், மீதமுள்ள 20 விழுக்காடு மருந்துகளை சீன, முன்னாள் சோவியத் நாடுகள், ஐரோப்பிய நாடுகளிடமிருந்து(எங்களுக்கு மருந்துகளை கொடுக்கும் மற்ற நாடுகளிடமிருந்தும்) இறக்குமதி செய்து கொள்கின்றோம். தொலைத்துரத்திலிருந்து இந்த மருந்துகள் வரவேண்டி இருப்பதால், இதற்கான செலவு மிக அதிகமாகின்றது” என்கின்றார்.

                               மொத்ததில் பார்க்கையில் ஹைத்தியிலும், மற்ற வறிய நாடுகளிலும் தாங்கள் செய்யும் பணிகளைக் கண்டு கூப மக்களுக்கு மகிழிச்சியே, உலக நாடுகளில் தங்களது தகுதிக்கும் அதிகமான மருத்துவ பணிகளையே அவர்கள் செய்துவருகின்றார்கள். வெளிநாடுகளில் பகுதி மருத்துவர்கள் இருப்பதால் உள்நாட்டில் மருத்துவர்களைப் பார்க்க நீண்ட நேரம் காத்திருக்க வேண்டியிருப்பதாக சில மக்கள் புகார் தெரிவித்துள்ளார்கள். எல்லா பொருட்களைப் போலவே மருந்துப் பொருட்களும் கூபாவில் கள்ளச் சந்தைகளில் கிடைக்கின்றது. இதை கள்ளச்சந்தையில் வாங்கும் போதோ, விற்கும் போதோ பிடிபட்டால் அவர்கள் பெரும் தொகையை அபராத‌மாக செலுத்த நேரிடும்.
                        பன்னாட்டு பயணம் என்பது கூபர்களுக்கு இயலாத ஒன்று, ஆனால் தகுதி வாய்ந்த மருத்துவர்களும், செவிலியர்களும் தங்களது பயிற்சி முடிந்து பின் இது போன்ற மருத்துவ குழுக்களில் இருப்பதன் மூலம் ஐந்தாண்டுகளுக்கு பல நாடுகளைச் சென்று பார்க்கும் வாய்ப்பு கிட்டுகின்றது.
                     எல்லா உழைக்கும் மக்களைப் போலவே, மருத்துவர்களுக்கும் குறைவான மாத ஊதியமே(20 டாலர்) வழங்கப்படுகின்றது. அரசு தரப்பு ஆவணங்களில் இல்லாத ஊழல் மருத்துவ துறையின் சில இடங்களில் காணப்படுகின்றது. தங்களுக்கு தேவையான சிகிச்சைகளில் முன்னுரிமை வழங்குவதற்காக மருத்துவர்களுக்கு தேவையான உணவையோ அல்லது சில பெசோக்களையோ(கூப நாட்டு ரூபாய்) நோயாளிகள் மருத்துவர்களுக்கு கொடுக்கின்றார்கள்.
 

                                              பன்னாட்டு மருத்துவதுறையை கட்டமைப்பதென்பது கூபாவின் மிக முக்கியமான செயலுத்தியாகும். ஹைத்தியில் அரசின் பொது மருத்துவ முறைகளை மேம்படுத்துவதற்காக கூப அரசு அதிகாரிகள் பிரேசிலுடனும், வெனிசுவேலாவுடனும் பேச்சுவார்த்தைகள் நடத்தியுள்ளார்கள். இதில் இவ்விரண்டு நாடுகளுமே இத்திட்டத்திற்கு நிதியுதவி வழங்க ஏதுவாக உள்ளன.

  கூபா நடத்தும் மருத்துவ பயிற்சிகள் மற்றுமொரு முன்மாதிரியாகும். 30ற்கும் மேற்பட்ட நாடுகளிலிருந்து வந்துள்ள 8,281 மாணவர்கள் Escuela Latinoamericana de Medicina en cuba (Elam)ல்  மருத்துவ பயிற்சி மேற்கொண்டுவருகின்றார்கள். Elam மருத்துவ மையம் கடந்த மாதம் தனது பதினொன்றாம் ஆண்டு விழாவை கொண்டாடியுள்ளது. இங்கு படிக்கும் மாணவர்கள் தங்கள் நாடுகளிலுள்ள வறிய சமூகங்களில் குறைந்தபட்சம் ஐந்து ஆண்டுகள் பணியாற்ற வேண்டும் என்ற சமூக சிந்தனையையும் மாணவர்கள் மனதில் பதியவைக்க எண்ணியுள்ளது கூப அரசு.
 

   வட அமெரிக்காவிலிருந்து கூபா வந்து மருத்துவம் பயிலும் 171 மாணவர்களில்(இதில் 47 மாணவர்கள் ஏற்கனவே படித்து முடித்து விட்டார்கள்) ஒருவரான டேமியன் சோயல் சுவாரேசு கூறுகையில் “இங்கு சேகுவாரா ஒரு தேசிய தலைவர் ஆவார், ஆனால் அவரை நாங்களும் ஒரு தலைவராக ஏற்றுக்கொள்ள வேண்டும் என இங்கு ஒருவரும் எங்களை வற்புறுத்துவதில்லை” என்கிறார். மேலும் அவர் கூபாவின் பரப்புரை இயந்திரங்களில் Elam ஒன்று என்பதையும்  மறுதளித்துள்ளார்.
               இலத்தின் அமெரிக்க கண்டத்தில் ஒரு இலட்சம் மருத்துவர்களை உருவாக்க வேண்டும் என்று 2005ல் உறுதி மொழி ஏற்றுக்கொண்ட பிடல் காசுட்ரோவும், ஊகோ சாவேசும் இணைந்து உருவாக்கிய El Nuevo Pograma de Formacion de Medicos Latinoamericonos திட்டத்தில் இதுவரை 41,000 மாணவர்கள் பதியப்பட்டு அவர்களுக்கான மருத்துவ பயிற்சி தொடங்கப்பட்டுள்ளது. ஆனால் இதை விமர்சிப்பவர்கள் இதில் பயிற்சி பெறும் மாணவனின் திறமை எவ்வாறு இருக்கும் என கேள்விகள் எழுப்பியுள்ளார்கள்.
ஆனால் மேற்கூறிய விமர்சனத்தை மறுக்கும் விரிவுரையாளர் கிர்க்

            “இலண்டன், டோராண்டோவில் மக்களுக்கு வழங்கப்படும் அதி நவீன மருத்துவ சிகிச்சை என்பது மூன்றாம் உலக நாடுகளில் வறுமையில் இருக்கும் இலட்சக்கணக்கான‌ மக்களுக்கு தேவை இல்லாதது. கூபர்கள் வழங்கும் மருத்துவ பயிற்சிகளை விமர்சிப்பதென்பது இவர்களுக்கு எளிதான ஒன்று, ஆனால் மருத்துவர்களே இல்லாத பகுதிகளில் வாழும் மக்களுக்கு மருத்துவர் கிடைப்பதென்பது மிகவும் மகிழ்ச்சியான ஒரு நிகழ்வேயாகும்”.
கண்டிப்பாக கிர்க் மேற்கூரிய‌ கருத்தை தொன்னூறு இலட்சம் ஹைத்தி  மக்களும் ஒப்புக்கொள்வார்கள்.

மூலப்பதிவு: http://www.independent.co.uk/life-style/health-and-families/health-news/cuban-medics-in-haiti-put-the-world-to-shame-2169415.html
………………………
    உலகம் இதுவரை கற்பித்து வந்த கம்யூனிசுட்டுகள் எல்லாம் உலகை அழிக்க வந்தவர்கள் என்ற மெக்கார்த்தேயிச கற்பிதத்தை பொடிப்பொடியாக்கும் இது போன்ற உண்மையான நிகழ்வுகள் எல்லாம் உலக ஊடகங்களில் ஒளிபரப்பாகும் என‌ எதிர்பார்ப்பது அறிவீனம். “நடுநிலைமை” எனக்கூறும் உலக ஊடகங்கள் எல்லாம் ஒரு பக்கம் மட்டுமே சாய்ந்து பல ஆண்டுகள் ஆகிவிட்டன. மருத்துவர்களின் பணி நோயைக் குணப்படுத்துவது மட்டுமல்ல அந்த நோய் வராமல் தடுப்பது என்ற அடுத்த கட்ட தாவலை கூப மருத்துவ துறை எப்பொழுதோ எட்டிவிட்டது. ஆனால்  இந்தியாவிலோ தற்பொழுது உள்ள தனியார் மருத்துவ மனைகள் எல்லாம் இறந்த பிணத்தை வைத்துக் கூட எப்படி பணம் கறக்கலாம் என எண்ணும் போது, அவர்கள் நோயை குணப்படுத்தினாலே அது ஒரு பெரிய விடயம் தான், இதில் நீங்கள் கூபாவைப் போல நோயை தடுக்கும் நிலை வேண்டும் என்று எண்ணினால் கண்டிப்பாக உங்களுக்கு பித்து பிடித்து விட்டது எனத்தான் உங்கள் உறவினர்களும், நண்பர்களும் எண்ணுவார்கள். மக்களின் பாதுகாவலர்களாக தங்களை காட்டிக்கொள்ளும் இந்திய சனநாயகவாதிகள் மக்களின் அடிப்படை தேவைகளில் ஒன்றான மருத்துவ துறையை இலாபத்தை மட்டுமே தனது குறியாகக் கொண்ட தனியாரிடம் முழுமையாக விற்கும் காலம் வெகு தொலைவில் இல்லை என்பதையே நடைபெற்றுவரும் நிகழ்வுகள் நமக்கு கூறுகின்றன. இதைப் பற்றி ஒரு நண்பரிடம் விவாதிக்கும் போது அவர் கூறியது “இந்தியாவில் இந்நிலையில் உங்களுக்கு இருக்கவிருப்பமில்லை எனில் நீங்கள் ஏன் மருத்துவம், கல்வி போன்றவற்றை இலவசமாகவே வழங்கும் கூபாவிற்கோ, வெனிசுவேலாவிற்கோ செல்லக்கூடாது” என்பதே. இது தான் இன்றைய இந்தியாவின் சனநாயகம்(சர்வாதிகாரம்)………

மொழிபெயர்ப்பு ‍: ப.நற்றமிழன்

வினவில் வெளிவந்த கட்டுரை

மீனவர்கள் கடலுக்கு மட்டுமல்ல, கல்லூரிக்கு சென்றாலும் மரணம் தான் பரிசு…


த‌மிழ‌க‌ மீன‌வ‌ர்க‌ள் இல‌ங்கை க‌ட‌ற்ப‌டையால் கொல்ல‌ப்ப‌டுவ‌தும், அதை த‌டுக்க‌ச் சொல்லி பிர‌த‌ம‌ருக்கு க‌ருணா க‌டித‌ம் எழுதுவ‌தும், நாங்க‌ள் க‌ண்டிக்கின்றோம் என‌ இந்திய‌ அர‌சு கூறுவ‌தும், மீண்டும் இல‌ங்கை க‌ட‌ற்ப‌டை த‌மிழ‌க‌ மீன‌வ‌ர்க‌ளை கொல்வ‌தும் 1989லிருந்து ந‌ட‌ந்து வ‌ரும் வ‌ழ‌மையான‌ நிக‌ழ்வுக‌ளாகிவிட்ட‌ன‌. த‌மிழ‌க‌ ம‌க்களுக்கு  மீன‌வ‌ப் ப‌டுகொலைக‌ள் ஒரு செய்தி அவ்வ‌ள‌வே. அதை விடுத்து சூடு, சொரணையிருந்திருந்தால் கொல்ல‌ப்ப‌ட்ட‌ மீன‌வ‌ர்க‌ளுக்காக பொதும‌க்க‌ள் போராடியிருப்பார்கள். நாம் தான் ஆயிரக்கணக்கில் ஈழத்தமிழர்கள் கொல்லப்பட்ட போதே வேடிக்கை பார்த்தவர்கள் ஆயிற்றே. தயவு செய்து தமிழகத்தில் நடந்ததை போராட்டம் என சொல்லி, போராட்டத்தை கொச்சைப்படுத்த வேண்டாம். போராட்ட‌ம் என்றால் என்ன‌வென்பதற்கு இன்றைய எகிப்தையும், துனிசியாவை பாருங்கள். ஆப்பிரிக்க‌ர்க‌ள் நாக‌ரிக‌ம‌ற்ற‌வ‌ர்க‌ள், காட்டுமிராண்டிக‌ள் என‌ எண்ணிக் கொண்டிருக்கும் என‌த‌ருமை த‌மிழ் ம‌க்க‌ளே ச‌ற்றே யோசித்து பாருங்க‌ள் நீங்க‌ள் யாரென ?. க‌ட‌ந்த‌ ச‌ன‌வ‌ரியில் இரு மீனவர்கள்(பாண்டியன், செயக்குமார்) தொடர்ச்சியாக கொல்ல‌ப்ப‌ட்ட‌த‌னால் சில‌ மாற்ற‌ங்க‌ள் தெரிகின்ற‌ன‌. Twitter எனும் இணைய‌த‌ள‌த்தில் த‌மிழ‌க‌ மீன‌வ‌ர்க‌ளின் பிர‌ச்ச‌னை உல‌க‌ அள‌வில் அதிக‌மாக‌ விவாதிக்க‌ப்ப‌டும் நிக‌ழ்வுக‌ளில் மூன்றாமிட‌த்திற்கு கொண்டு சென்றுள்ளார்கள். ஆனால் இது போதுமா என்றால், இல்லை என‌த்தான் கூறுவேன். இந்தியாவிற்கும், த‌மிழ‌க‌ அர‌சுக்கும் அழுத்த‌ம் கொடுக்க‌வேண்டுமென்றால் அது த‌மிழ‌க‌ ம‌க்க‌ள் போராடினால் தான் முடியும். இல்லையென்றால் இதுவும் க‌ட‌ந்து போகும். மீண்டும் த‌மிழ‌க‌ மீன‌வ‌ர்க‌ள் கொல்ல‌ப‌டுவ‌தும் தொடரும். இந்த‌ நிலையில் என‌க்கொரு செர்மானிய‌ க‌விதை தான் ஞாப‌க‌த்திற்கு வ‌ருகின்ற‌து. இன்றைய‌ த‌மிழ‌க‌ சூழ‌லுக்கு ஏற்ப‌ அதை மாற்றியுள்ளேன்.

  

    முத‌லில் அவ‌ர்க‌ள் ஈழ‌த்த‌மிழ‌ர்களைக் கொன்றார்க‌ள்
       நான் போராட‌வில்லை, ஏனெனில் நான் ஈழ‌த்த‌மிழ‌ன் அல்ல‌

   பின்ன‌ர் அவ‌ர்க‌ள் த‌மிழ‌க‌ மீன‌வ‌ர்களைக் கொன்றார்க‌ள்
      நான் போராட‌வில்லை, ஏனெனில் நான் த‌மிழ‌க‌ மீன‌வ‌ன் அல்ல‌

    பின்ன‌ர் அவ‌ர்க‌ள் த‌லித் ம‌க்களைக் கொன்றார்க‌ள்
       நான் போராட‌வில்லை, ஏனெனில் நான் தலித்தும் அல்ல‌

   இறுதியாக‌ அவ‌ர்க‌ள் என்னைக் கொல்ல‌வ‌ந்தார்க‌ள்
      என‌க்காக‌ போராட‌ அன்று ஒருவ‌ரும் இல்லை.
                            இந்த‌க்க‌விதை உங்க‌ளுக்கு வேடிக்கையாக‌ தெரியலாம் ஆனால் த‌மிழ‌ர்க‌ளே இது க‌ண்டிப்பாக‌ ந‌ட‌க்கும் நாள் வெகுதொலைவில் இல்லை என்ப‌தை தொட‌ர்ந்து ந‌ட‌க்கும் நிக‌ழ்வுக‌ள் காட்டுகின்றன‌. இதுவ‌ரை மீன‌வ‌ர்க‌ள் க‌ட‌லில் தான் கொல்ல‌ப்ப‌ட்டார்க‌ள் என்றால், நேற்றைக்கு முந்தைய‌ தின‌ம் வ‌ந்த‌ செய்தி இனி மீன‌வ‌ரின‌க் குழ‌ந்தைக‌ள் க‌ல்லூரிக்குச் சென்றாலும் ம‌ர‌ண‌ம் தான் ப‌ரிசு என‌ அறைகூவுகின்ற‌து. 

                 சென்னை பெசன்ட் நகர் ஆல்காட் மீனவப்பகுதியைச் சேர்ந்த திவ்யா, “ஜான‌கி எம்.ஜி.ஆர் க‌ல்லூரியில்” இள‌ங்க‌லை வ‌ணிக‌விய‌ல்(B.com) பிரிவில் மூன்றாமாண்டு ப‌டித்து வ‌ருகின்றார்.க‌‌ட‌ந்த‌ செவ்வாய‌ன்று (ச‌ன‌வரி 25) க‌ல்லூரியில் ஒரு மாண‌வி வைத்திருந்து 4,000 ரூபாய் ப‌ண‌ம் காணாம‌ல் போயுள்ள‌து. மாண‌விக‌ளில் யாரோ ஒருவ‌ர் தான் திருடி இருக்க‌வேண்டும் என‌ எல்லோரிட‌மும் விசாரித்துள்ளார்க‌ள் ப‌ண‌ம் கிடைக்க‌வில்லை. மாண‌வி. திவ்யாவின் மேல் ஐய‌ம் கொண்ட‌ பேயா(ரா)சிரியைக‌ள் திவ்‌யாவை ஆடைக‌ளைக் க‌ளைய‌ச்சொல்லி சோத‌னை செய்துள்ளார்க‌ள். சோத‌னையில் திவ்யா ப‌ண‌ம் எடுக்க‌வில்லை என‌ தெரிந்த‌து. இந்த‌ முறைய‌ற்ற‌ செய‌லால் ம‌ன‌முடைந்த‌ திவ்யா மாலை வீட்டிற்கு வ‌ந்த‌ உட‌ன் த‌ன் அம்மா சாந்தியிட‌ம் ந‌ட‌ந்தை கூறியிருக்கின்றார். அவ‌ர் க‌ல்லூரிக்கு வ‌ந்து நான் இதுப‌ற்றி பேசுகிறேன் என‌ கூறிய‌த‌ற்கு சாந்தி த‌ன‌து ம‌திப்பெண்க‌ளை குறைந்து விடுவார்க‌ளோ என‌ அஞ்சி த‌டுத்துவிட்டார் (சாந்தி ஏன் த‌ன் தாயை த‌டுத்தார் என்ப‌து த‌னியார் பொறியிய‌ல் க‌ல்லூரியில் ப‌டிக்கும் மாண‌வ‌ர்க‌ள் அனைவ‌ருக்கும் ந‌ன்றாக‌ தெரிந்திருக்கும். எங்கே த‌ன் ம‌திப்பெண் போய்விடுமோ என‌ எண்ணி சுய‌ம‌ரியாதையை அட‌கு வைத்துவிட்டு தான் இன்றைய‌ மாண‌வ‌ர்க‌ள் ப‌டித்து வ‌ருகின்றார்க‌ள்). பின்ன‌ர் க‌ல்லூரிக்கு சென்ற‌ மாண‌வி திவ்யாவை ச‌க‌ மாண‌விக‌ள் திருடி என‌க்கூறி கேலி செய்துள்ளார்க‌ள் (இதை என்னால் கேலி என‌ எடுத்துக்கொள்ள‌ முடிய‌வில்லை. வ‌க்கிர‌ ம‌ன‌து கொண்ட‌வ‌ர்க‌ள் தான் இவ்வாறு ந‌ட‌ந்துகொள்வார்க‌ள்). த‌ன் மேல் நிக‌ழ்த்த‌ப்ப‌ட்ட‌ முறைய‌ற்ற‌ சோத‌னையால் ஏற்க‌ன‌வே ம‌ன‌முடைந்த‌ நிலையில் இருந்த மாண‌வி.திவ்யா ச‌க‌ மாண‌விக‌ளின் வ‌க்கிர‌க் கேலியால் பிப்ர‌வ‌ரி(2) மாலை த‌ற்கொலை செய்துகொண்டார். த‌ற்கொலை செய்யும் முன்ன‌ர் ஒரு க‌டித‌ம் எழுதிவைத்துள்ளார் அதில், நான் பி.காம். 3-ம் ஆண்டு படித்து வருகிறேன். என் வகுப்பில் ரூ.4 ஆயிரம் காணாமல் போனதற்காக ஆசிரியர்கள் சோதனையிட்டனர். ஆனால் என்னை மட்டும்…… என்று எழுதி இருந்தார். இத‌னை க‌ண்ட‌ திவ்யாவின் அம்மா சாந்தி ஒரு வேளை நான் அன்று என் ம‌க‌ளுட‌ன் க‌ல்லூரிக்கு சென்றிருந்தால் என் ம‌க‌ளை காப்பாற்றியிருக்க‌லாமே என‌ க‌த‌றி அழுதுள்ளார்.

குடும்ப‌த்தின‌ருட‌ன் மாண‌வி.திவ்யா

      மாண‌வி.திவ்யாவின் க‌டித‌த்தில் குறிப்பிட்டுள்ள‌ நான்கு பேயாசிரியைக‌ளும் காவ‌ல்துறையால் கைது செய்ய‌ப்ப‌ட்டுள்ளார்க‌ள். இதைய‌றிந்த‌ ஆல்காட் ப‌குதி பெண்க‌ள் அந்த நான்கு பேய்களைப் பார்க்க வேண்டும் என‌ காவ‌ல்துறை அலுவ‌ல‌க‌த்திற்கு செல்ல‌, காவ‌ல்துறையின‌ர் அந்த‌ பேயாசிரியைக‌ளுக்கு பாதுகாப்பு வ‌ழ‌ங்கி, வ‌ந்த‌ பெண்க‌ளை காவ‌ல்துறையின் மூல‌ம் க‌லைத்துள்ளார்க‌ள். என்னே ஒரு நடுநிலைமையான காவல்துறை!. இதைய‌டுத்து அந்த‌ நான்கு பேயாசிரியைக‌ளையும் சிறைக்கு கொண்டு செல்லும் வ‌ழியில் நான்கு பேருக்கும் ஒரே நேர‌த்தில் நெஞ்சுவ‌லி வ‌ந்துள்ளது. நடுநிலை ஊடகங்களும் காவல்துறை கூறியதை அப்படியே கிளிபிள்ளைப் போல சொல்லுகின்றன. அது எப்படி ஒரே நேரத்தில் நான்கு பேருக்கும், ஒரே மாதிரி நெஞ்சு வலி வரும் என்ற கேள்வியை சிறு குழந்தைகள் கூட கேட்கும், ஆனால் இவர்கள் கேட்கவில்லை ஏனென்றால் இவர்கள் பணி கிளியைப் போல அப்படியே திருப்பி சொல்வது மட்டுமே, யோசித்து கேள்வி கேட்பது எல்லாம் கெட்டவார்த்தைகள் (இலங்கை அரசு மீனவர்களை நாங்கள் கொல்லவில்லை என்று கூறுவதைக் கூட அப்படியே ஒளிபரப்புவார்களே அன்றி, அப்படி நீங்கள் கொல்லவில்லை என்றால் யார் கொன்றார்கள் என கேட்பதற்கு ஆறாவது அறிவு வேண்டும். பாவம்  கிளிகளுக்கு ஐந்தறிவு தானே)(இத‌ற்கும் காவ‌ல்துறையின‌ருக்கும் ச‌த்தியமாக‌ எந்த‌ ஒரு தொட‌ர்பும் இல்லை. அதிலும் குறிப்பாக‌ அந்த‌ நான்கு பேராசிய‌ர்க‌ளில் ஒருவ‌ரின் க‌ண‌வ‌ரான‌ காவல்துறை அதிகாரிக்கு இதில் தொட‌ர்புடைய‌து என‌ நான் உங்க‌ளுக்கு ம‌றந்தும் கூட‌ கூற‌மாட்டேன்). இத‌னை தொட‌ர்ந்து இவ‌ர்க‌ள் நால்வ‌ரும் ம‌ருத்துவ‌ம‌னையில் சேர்க்க‌ப்ப‌ட்டுள்ளார்க‌ல். இதுவ‌ரை இவ‌ர்க‌ள் நால்வ‌ரின் புகைப்ப‌ட‌மும் எந்த ஊடகத்திலும் வ‌ர‌வில்லை(குறிப்பாக‌ சொல்ல‌வேண்டுமானால் எந்த‌ ஊட‌க‌த்தையும் புகை‌ப்ப‌ட‌ம் எடுக்க‌விட‌ வில்லை, காரண‌த்தை ஏற்க‌ன‌வே கூறிவிட்டேன்).

  ஊட‌க‌ங்க‌ளை நோக்கி ஒரு கேள்வி பூவ‌ர‌சி த‌ன‌து குழ‌ந்தையைக் கொன்ற‌தை ஏதோ ப‌டுபாத‌க‌ செய‌லைப் போல‌ மீண்டும், மீண்டும் ஒளிப‌ர‌ப்பி அதை ஒரு விவாத‌மாக்கிய‌ நீங்க‌ள் ஏன் இதை வெறும் ஒரு செய்தி ம‌ன‌ப்பான்மையிலேயே வெளியிட்டுவ‌ருகின்றீகள்.  மாண‌வி.திவ்யா ஏழ்மையான‌ மீன‌வ‌ குடும்ப‌த்தைச் சேர்ந்த‌வ‌ர். கொன்ற‌வ‌ர்க‌ள் ப‌ண‌ம், அதிகாரம் கொண்ட‌வ‌ர்க‌ள் என்ப‌தாலா?காவ‌ல்துறையில் இறுக்கும் க‌ண்ணிய‌வான் சைலேந்திர‌ பாபு அவ‌ர்க‌ளே இந்த‌ நான்கு பேய்க‌ளையும் போலிமோத‌லில்(என்க‌வுண்ட‌ரில்) உங்க‌ளால் கொல்ல‌முடியுமா? (போலிமோத‌லில் ஒருவ‌ரைக் கொல்வ‌து த‌வ‌று என்ப‌து என் க‌ருத்தாக‌ இருப்பினும், இந்த‌க் கேள்வியை முன்வைக்க‌ கார‌ண‌ம் போலி மோத‌லில் ஏழைக‌ளை ம‌ட்டும் தான் கொல்வார்க‌ளா, இல்லை இவ‌ர்க‌ளைப் போல‌ ப‌ண‌ம் ப‌டைத்த‌ குற்ற‌வாளிக‌ளையுமா? என‌ அறிந்துகொள்வ‌த‌ற்காக‌வே). பொதும‌க்க‌ளே நீங்க‌ள் ஏன் இதை ஒரு விவாத‌ பொருளாக்காமால் ஒரு செய்தியை ப‌டித்துவிட்டு க‌ட‌ந்து செல்வ‌து போல‌ செல்கின்றீர்க‌ள். உங்க‌ள் கால்க‌ளில் இருக்கும் செருப்பை எடுத்துக் கொண்டு ம‌ருத்துவ‌ம‌னையில் த‌ஞ்ச‌ம் புகுந்துள்ள‌ அவ‌ர்க‌ளை விலாசவேண்டிய‌து தானே?. இல்லை நீங்க‌ளெல்லாம் ஊட‌க‌ங்க‌ள் ஆட்டுவிக்கும் வெறும் பொம்மைக‌ளா?.
  ந‌ண்ப‌ர்க‌ளுக்கும், ச‌க‌ ப‌திவ‌ர்க‌ளுக்கும் ஒரு வேண்டுகோள் த‌ய‌வு செய்து இந்த‌க் கொலையைப் ப‌ற்றி உங்க‌ள் நண்ப‌ர்க‌ளிட‌மும், உற‌வுக‌ளிட‌மும் எடுத்துச் சொல்லி விவாதியுங்க‌ள். இல்லை என்றால் சென்னை நோக்கியாவில் க‌ட‌ந்த‌ ந‌வ‌ம்ப‌ர் அன்று கொலை செய்ய‌ப்ப‌ட்ட தொழிலாளி அம்பிகாவின் கொலையை(1) நாம் க‌ட‌ந்து வ‌ந்துள்ள‌தைப் போல‌ இதையும் க‌ட‌ந்து வ‌ந்துவிடுவோம்.

ந‌ன்றி: முக‌நூல் ந‌ண்ப‌ர்க‌ள். க‌விதா, ருத்ர‌ன், எண்பீல்ட‌ர்.

1) http://www.vinavu.com/2010/11/01/nokia-murders/

பின்குறிப்பு: இந்த‌ க‌ட்டுரையைப் ப‌டித்துவிட்டு ஆசிரியைக‌ளை பேய்க‌ளுட‌ன் ஒப்பிட்டு எழுதி உள்ளீர்க‌ளே என‌க் கேள்வி கேட்ப‌த‌ற்கு முன் இதுவ‌ரை நீங்க‌ள் ஏன் இந்த‌ பேய்க‌ளைப் ப‌ற்றி பேச‌வில்லை என்று கூறுங்க‌ள். மேலும் நான் இந்த‌ நால்வ‌ரை ம‌ட்டுமே பேய்க‌ளுட‌ன் ஒப்பிட்டுள்ள‌னே அன்றி வேறு யாரையும் அல்ல‌. என‌க்கு தெரிந்து நண்பர்களில் தேசிய‌ ந‌ல்லாசிரிய‌ர் விருது வாங்கிய‌வ‌ர்க‌ளும் உண்டு. திவ்யாவை கொட்டிய அந்த நான்கு கருந்தேள்களின் பெயர்கள். ஜெயலெட்சுமி, விஜயலெட்சுமி, சுதா, செல்வி.

ந‌ற்ற‌மிழ‌ன்.ப‌

தேர்தல் பலிகடாவாகிய‌ இராசா….


 
  இன்றைய பரபரப்பு செய்தி இராசா இரண்டாம் தலைமுறை(2G) அலைக்கற்றை ஊழலில் கைதான நிகழ்வு தான். இதன் மூலம் ஏதோ விடிவு காலம் வந்துவிட்டதை போல பலர் சிந்தித்து வருகின்றார்கள். ஆனால் இந்த கைது முடிவு கருணா தில்லியில் தொகுதி பங்கீடு குறித்து பேசும் போதே எடுக்கப்பட்ட ஒன்று தான். இராசா தமிழக சட்டமன்ற தேர்தலுக்காக பலியிடப்பட்ட ஆடு அவ்வளவே அன்றி. இந்தியாவில் மீண்டும் சனநாயகம்  ஒன்றும் பூத்துக்குலுங்கவில்லை.


இராசா கைதினால் ஏற்ற‌ப்ப‌ட்டுள்ள‌ ப‌ல‌ன்க‌ள்

1) இந்த தேர்தலில் முதன்மை பிரச்சாரமாக இருக்க வேண்டிய இர‌ண்டாம் த‌லைமுறை அலைக்க‌ற்றை ஊழ‌லில் இருந்து த‌ன்னையும், த‌ன் க‌ட்சியையும் காப்பாற்றிக்கொள்ள‌ முடியும்.  க‌ழ‌க‌க் க‌ண்ம‌ணிகள் இப்பொழுதே கருணாவின் ச‌ன‌நாய‌க‌த்தை(!) க‌ண்டும், நேர்மையை (!)க‌ண்டும் புல்ல‌ரிக்க‌த் தொட‌ங்கி விட்டார்க‌ள்.

2) காங்கிர‌சு க‌ட்சி இராசாவைக் கைது செய்த‌த‌ன் மூலம் த‌ன் மேல் இதுவ‌ரை இருந்த‌ குற்ற‌ங்க‌ளை நெருப்பில் க‌ழுவி விட்டு வ‌ந்த‌ ப‌ரிசுத்த‌னைப் போல‌ காட்டிக்கொள்ளும்.
3) ஊட‌க‌ங்களுக்கு இனிமேல் இராசா கைது தான் முக்கிய‌ செய்தி. இர‌ண்டாம் அலைக்க‌ற்றை ஊழ‌லின் சூத்திர‌தாரியான‌ நீரா ராடியாவைப் ப‌ற்றி எல்லாம் கொஞ்ச‌ நாட்க‌ளுக்கு ச‌த்த‌ம் வ‌ருவ‌த‌ற்கு வாய்ப்பு மிக மிகக் குறைவு.

50 ஆண்டுக‌ளில் ந‌ம‌க்கு கிடைத்த‌ ச‌ன‌நாய‌க‌ம். இந்த‌ ஒரு துளி தான்.

இராசா கைதின் மூல‌ம் ம‌க்க‌ளுக்கு ஏற்ப‌ட்டுள்ள‌ பிர‌ச்ச‌னைக‌ள்:

1) இதுவ‌ரை ந‌ம‌க்கு இர‌ண்டாம் அலைக்க‌ற்றை ஊழ‌லில் ஒரே ஒரு ப‌குதி ம‌ட்டும் தான் காட்ட‌ப்ப‌ட்ட‌து. அதாவ‌து இராசாவும், தி.மு.க.வும்  தான் இந்த ஊழலுக்குக் கார‌ண‌ம் என்பதைப் போல‌ ம‌க்க‌ளுக்கு காட்ட‌ப்ப‌ட்ட‌து. அதிலும் குறிப்பாக‌ நீரா ராடியா தி.மு.க‌ழ‌க‌த்தின‌ரிட‌ம் பேசிய‌ அலைப்பேசி ப‌திவுக‌ள் ம‌ட்டும் தான் வெளியிட‌ப்ப‌ட்ட‌ன‌. காங்கிரசு கட்சியினரிடம் பேசிய‌ அலைப்பேசிப் ப‌திவுக‌ள் எவையும் வெளியிட‌ப்ப‌ட‌வில்லை என்ப‌து குறிப்பிட‌த்த‌க்க‌து. தரகர்கள் இரு தரப்புடனும் பேசுவது இயல்பான் ஒன்று, அப்படியெனில் நீரா ராடியா எனும் தரகர் காங்கிரசு கட்சியுடனும் பேசியுள்ளார். அதன் விளைவாகத் தானே இராசா தொலைத்தொடர்புத்துறை மந்திரி ஆனது.  இனிமேல் அந்த பதிவுகள் எதுவும் வெளிவ‌ராது. இர‌ண்டாம் அலைக்க‌ற்றை ஊழ‌லின் ஒட்டுமொத்த‌ ப‌லிக‌டாவாக‌வும் இராசா வெட்ட‌ப்ப‌ட்டுள்ளார் (இதுவும் கூட‌ தேர்த‌ல் முடியும் வ‌ரை தான் நீடிக்க‌க் கூடும். தேர்த‌லில் மீண்டும், தி.மு.க வெற்றி பெற்றால் இராசா வெளியில் வ‌ந்துவிடுவார்)
2)இராசாவை கைது செய்த‌த‌ன் மூல‌ம் ப‌ரிசுத்த‌மான‌வ‌ர்க‌ளாகிய‌ தி.மு.க‌, காங்கிர‌சு சொல்லும் ஆகாச‌புளுகுக‌ளை தேர்த‌ல் பிர‌ச்சார‌ம் என்ற‌ பெய‌ரில் கேட்க‌ வேண்டிவ‌ரும்.

3) ந‌ட‌ந்த‌ ஊழ‌லில் உண்மை நிலையை வெளிக்கொணர‌வேண்டும் என்ப‌த‌ற்கா இல்லை அந்த ஊழலில் எங்கள் பங்கை கொடு என்றா என எதற்காக போராடினார்கள் என்றெல்லாம் தெரியவில்லை, அவ்வாறு போராடிய‌ எதிர்க‌ட்சிக‌ளும் இனிமேல் அதிக‌ம் பாராளும‌ன்ற‌ கூட்டுக் குழு ப‌ற்றி வாய் திற‌க்க‌ மாட்டார்க‌ள் என்றே எண்ணுகின்றேன். இதன் மூலம் பிப்ரவரி 24 அன்று மீண்டும் கூடும் பாராளுமன்றத்தில் வரவு செலவு கணக்கு(Budget)கூட்டத்தொடர் போன குளிர்கால கூட்டத்தொடர் போல இல்லாமல்(போன கூட்டத்தொடர் முழுவதும் இரத்து செய்யப்பட்டது) ஒரளவு அமைதியாக நடப்பதற்கான வாய்ப்புகள் அதிகம்.

4) செய்திகளின் உண்மைத்தன்மைக்காக(!) இர‌வு ப‌க‌ல் பாராம‌ல் உழைக்கும் ஊட‌க‌ங்க‌ளும் இனிமேல் இராசாவின் வாலைப்பிடித்துக்கொண்டே தான் ப‌ய‌ண‌ம் செய்வார்க‌ள். வ‌ழ‌மைப் போல‌ ந‌டுநிலை என்ற‌ வெங்காய‌ம் ம‌ட்டும் ந‌டுத்தெருவில் நின்று இதை எல்லாம் வேடிக்கைப் பார்த்துக் கொண்டிருக்கும். இன்று இருக்கும் ஊட‌கங்கள் எல்லாம் Investigative Journalisim என்ற‌ புல‌னாய்வுத் த‌ன்மைமையை விட்டு விட்டு, சொன்னதை திரும்பச் சொல்லும் கிளியைப் போல‌ மாறிவிட்டார்க‌ள்.
   காங்கிர‌சு, தி.மு.க‌ கூட்ட‌ணிக்கு இத‌னால் எந்த‌ ஒரு பாதிப்பும் இல்லை. மேற்கூறிய‌து போல‌ பாதிப்பு எல்லாம் ம‌க்க‌ளுக்கு தான். பலாப‌ல‌ன்க‌ள் ம‌ட்டும் கட்சிக‌ளுக்கு சென்ற‌டையும்.

உத்த‌புர‌த்தில் உரிமைக்காக‌ போராடும் த‌லித் ம‌க்க‌ளுக்கும், அவ‌ர்க‌ளுக்காக‌ போராடும் தோழ‌ர்க‌ளுக்கும் ச‌ன‌நாய‌க‌த்தின் ப‌ரிசு

 இந்த‌க்க‌ட்டுரையை ப‌டித்து விட்டு, இந்தியாவில் ச‌னநாய‌க‌ம் துளிர்விடும் நேர‌த்தில் இப்ப‌டி அர‌சிய‌ல் செய்கின்றீர்க‌ளே என‌ என்னை ச‌பிக்கும் முன், தமிழகத்தின் உத்த‌புர‌த்தில் அம்மணமாக  திரிந்து கொண்டிருக்கும் ச‌ன்நாய‌க‌த்திற்கு மாற்றுத்துணி வாங்கி கொடுத்துவிட்டு வாருங்க‌ள் ச‌ன‌நாய‌க‌த்தைப் ப‌ற்றி விரிவாக‌ பேசுவோம்.

பின்குறிப்பு: இராசா குற்றவாளி என்பதிலோ, அவரை கைது செய்ய வேண்டும் என்பதிலோ எனக்கு எவ்வித மாற்றுக்கருத்தும் கிடையாது. இவ்வளவு காலம் இராசா கைது செய்யப்படாமல் இருந்ததற்கு காரணம் அரசியல், இப்பொழுது அவர் கைது செய்யப்பட்டதற்கு காரணமும் அதே அரசியல் தான். இராசா கைது ஏன் இப்பொழுது ந‌டைபெற்ற‌து என்ப‌தை என‌க்கு தெரிந்த‌ அர‌சிய‌ல் அறிவிற்கு உட்ப‌டுத்தி பார்த்த‌த‌ன் விளைவே இக்க‌ட்டுரை.

நற்ற‌மிழ‌ன்.ப‌

முத்துக்குமரனும், மொக‌ம்மது பௌ அசிசியும். துனீசிய‌ மாவீர‌னின் நினைவுக‌ள்


 

  த‌ன்னை துனிசியாவிற்காக‌ தற்கொடை செய்த‌ அந்த‌ நாளிலிருந்து முக‌மது பௌ அசிசியும் துனிசிய‌ ம‌க்க‌ளின் நாய‌க‌னான், இவ‌ன‌து த‌ற்கொடையே மக்களின் தொடர்ச்சியான போராட்டத்திற்கும், அதிப‌ர் சீன் அல் அபிதைன் ப‌த‌வி விலகி நாட்டை விட்டே ஓடுவ‌த‌ற்கும் கார‌ண‌மாயிற்று.
அவனக்கு‌ வேலை கிடைக்காத‌ கார‌ண‌த்தால், அரசின் அனும‌தி இல்லாம‌ல் காய்க‌றிக‌ள், ப‌ழ‌ங்க‌ள் விற்று த‌ன‌து வாழ்க்கையை ந‌ட‌த்தி வ‌ந்தான் (நம்ம ஊர் தள்ளுவண்டி வியாபாரிகள் போல).

திரு.பௌ அசிசி வ‌ய‌து 26, த‌ன்னைத் தானே எறித்துக் கொண்டு இற‌ந்தார். பி.பி.சி தொலைக்காட்சிக்கு அளித்த‌ நேர்காணலில் அவ‌ர‌து தங்கை சாமியா, இற‌ப்ப‌த‌ற்கு முன்ன‌ர் முக‌மது  இருந்த‌ ம‌ன‌நிலையையும், எப்ப‌டி அவ‌ர் துனிசிய‌ ம‌க்க‌ளின் நாய‌க‌னானார் என்றும் விள‌க்குகின்றார்.

“ஒவ்வொரு முறை ப‌ழ‌ங்கள், காய்கறிகள் வாங்கும் போதும், விற்கும் போது அர‌சு அலுவ‌ல‌க‌ங்க‌ளில் இருப்போர்க‌ள் மொக‌ம்ம‌திட‌ம் ப‌ல‌முறை கையூட்டு வாங்கி அவனை தொந்த‌ர‌வு செய்துள்ளார்க‌ள்”

அன்று அவன் த‌ன்னைத் தானே எரித்துக்கொண்ட நாளன்றும் கூட‌‌ எங்க‌ளிட‌ம் ந‌ன்றாக‌த் தான் பேசினான்.

அன்றும் வ‌ழ‌க்க‌ம் போல அர‌சு அதிகாரிக‌ள் அவ‌னிட‌ம் கையூட்டு கேட்டுள்ளார்க‌ள், அவ‌ன் த‌ர‌ம‌றுத்ததால், இவனிட‌ம் இருந்த‌ ப‌ழ‌ங்கள், காய்கறிகளை எல்லாம் அவ‌ர்கள் ப‌றித்து கொண்டார்க‌ள். அவ‌ர்க‌ளில் ஒருவ‌ன் அவனிடமிருந்த‌‌ எடைக்க‌ருவியையும் கேட்டான், அதை முக‌மது  கொடுக்க‌ ம‌றுத்த‌தால் அவ‌ன் மொக‌ம்ம‌தை அடித்து துன்புறுத்தினான். அவ‌னுட‌ன் இருந்த‌ மூன்று அதிகாரிக‌ளும் சேர்ந்து மொக‌ம்ம‌தை தாக்கினார்க‌ள்.
மொக்க‌ம‌தோ அவ‌ர்க‌ளின் க‌ண்ணீர் விட்டு கெஞ்சி பார்த்தும் எந்த‌ ஒரு ப‌ய‌னும் இல்லை. அவ‌ர்க‌ள் முக‌மது தொட‌ர்ந்து அடித்து விட்டு, அவனது பொருட்க‌ளை எல்லாம் எடுத்துச் சென்று விட்டார்க‌ள்.

மாவீர‌ன் முக‌ம‌து பௌ அசிசியின் பதாகையை முன்னிறுத்தி போராடும் இளைஞ‌ர்க‌ள்

இத‌ன் பின்ன‌ர் முக‌மது ந‌க‌ர‌த்திலுள்ள‌ அர‌சு அலுவ‌ல‌க‌த்திற்கு சென்று த‌ன‌து பொருட்க‌ளை திருப்பி‌த்தருமாறு கேட்டிருக்கின்றான். அவ‌ர்க‌ள் ம‌றுத்து விட‌ அவ‌ன் அவ‌ர்க‌ளின் த‌லைமை அதிகாரியைச் சென்று ச‌ந்தித்து த‌ன‌து பொருட்க‌ளை திருப்பித்த‌ருமாறு கேட்டிருக்கின்றான். ஆனால் அங்கேயும் தோல்வியே அவ‌னுக்கு ப‌ரிசாக‌ கிடைக்க‌, ம‌ன‌ம் த‌ள‌ராம‌ல் அந்ந‌க‌ர‌ ஆளுந‌ரைச் சென்று ச‌ந்திக்க‌ முய‌ன்ற‌ அவ‌னை காவ‌ல் துறை அதிகாரிக‌ள் தடுத்துள்ளார்க‌ள். அவ‌ர்க‌ளிட‌ம் க‌ண்ணீர் விட்டுக் கெஞ்சி த‌ன‌து நிலையை விள‌க்கி கூறியுள்ளான், ஆனால் அவ‌ர்க‌ள் யாரும் இவ‌ன‌து நிலையை காது கொடுத்துக் கேட்க‌க்கூட ஏதுவாக‌ இல்லை. அவ‌ன‌து க‌ண் முன்னே எல்லாக் க‌த‌வுக‌ளும் அடைக்க‌ப்ப‌ட்ட‌ன‌.  எல்லா வ‌ழிக‌ளும் அடைக்க‌ப்ப‌ட்டு விட்ட‌தால் அவ‌ன் இறுதியாக‌ ம‌ர‌ண‌த்தை ஒரு வாய்ப்பாக‌ ப‌ய‌ன்ப‌டுத்தி அவ‌ர்க‌ளிட‌ம் பேச‌ முய‌ன்றான் (அது அவர்களைச் சென்றடைந்ததோ இல்லையோ, மக்களிடம் சரியாகச் சென்றடைந்தது). வெளியே சென்று க‌ல்லெண்ணெய்(Petrol) வாங்கி  வ‌ந்து த‌ன்னைத் தானே எறித்துக்கொண்டான்.

இது ந‌ட‌ந்து ச‌ற்று நேர‌த்தில் எங்கள‌து அண்டை வீட்டார் வ‌ந்து முக‌மது த‌ன்னைத் தானே எறித்துக்கொண்ட‌தாக‌வும், உடலின் பல இடங்களில் பலத்த காயம் ஏற்பட்டு உயிருக்கு ஆப‌த்தான‌ நிலையில் இருப்ப‌தாக‌வும் என்னிட‌ம் கூறினார்.

எங்க‌ளுக்கு அது பேர‌திர்ச்சியாக‌ இருந்த‌து. முக‌மது இற‌ந்த‌தில் இருந்து அவ‌னை எண்ணி நாங்க‌ள் அழுது புல‌ம்பிக்கொண்டிருக்கின்றோம். அவ‌ன‌து இழ‌ப்பு எங்க‌ள் குடும்ப‌த்திற்கு பேரிழ‌ப்பாகும். ஏனென்றால் எங்க‌ள் குடும்ப‌த்தில் யாருக்கும் எந்த‌ ஒரு வேலையும் இல்லை (துனிசியா வேலையில்லா திண்டாட்ட‌த்தின் உச்ச‌நிலையில் இருக்கின்ற‌து). எங்க‌ளுக்கு உதவவும் யாரும் இல்லை.
 
இன்னும் முக‌மது இற‌ந்துவிட்டான் என்ப‌தை எங்க‌ள் குடும்ப‌த்தில் யாராலும் ந‌ம்ப‌முடிய‌வில்லை.

ஆனால் இதை எல்லாம் விட‌ முகமதின் புகைப்ப‌ட‌ம் தாங்கிய‌ ப‌தாகையை கையில் ஏந்திக் கொண்டு ஆயிர‌க்க‌ண‌க்கான‌ ம‌க்க‌ள் அவ‌ன் பெய‌ரை உச்ச‌ரித்துக் கொண்டும், அழுது கொண்டும் செல்வது எங்களுக்கு இன்ன‌மும் ஆச்ச‌ர்யமான‌ ஒரு நிக‌ழ்வாக‌ இருக்கின்ற‌து. இது ஒரு மிகப்பெரிய மக்கள் போராட்டமாக மாறி உள்ளது.

இத‌ற்கு முன்ன‌ர் துனிசியாவில் ம‌க்க‌ளுக்கு ஆதர‌வாக‌ எந்த‌ ஒரு போராட்ட‌மும் ந‌டைபெற்ற‌தில்லை, ஆனால் முக‌ம‌தினால் இளைஞ‌ர்க‌ள் எல்லாம் ஒன்றாக‌ இணைந்து போராடுவ‌தை நான் என் கண்முன்னே காண்கின்றேன்”

……..

மாவீர‌ன் முத்துக்குமார்

முத்துக்குமரன் சனவரி 29, 2009 அன்று ஈழத்திற்காக தீக்குளித்து தனது உயிரை ஈகம் செய்தான். இதை தொடர்ந்து நடந்த நிகழ்வுகள் நம் எல்லோருக்கும் தெரியும். முக‌மது பௌ அசிசியும் சனவரி 24, 2011 அன்று நாட்டிலுள்ள வேலையில்லா பிரச்சனைக்கு எதிராகத் தீக்குளித்து தனது உயிரை ஈகம் செய்தான்.இதைத் தொடர்ந்து பல்லாயிரக்கணக்கான மக்கள் (எல்லோரும்) முக‌மதின் படம் தாங்கிய பதாகைகளைக் கையில் ஏந்தி வீதிக்கு வந்து போராடினார்கள். துனிசிய அதிபர் நாட்டிலிருந்து தப்பி ஓடும் வரை போராட்டம் தொடர்ந்தது. (ஆப்பிரிக்கர்கள் படிப்பறிவில்லாதவர்கள், நாகரிகமல்லாதவர்கள் என்று இன்றும் சிந்திந்துக் கொண்டிருக்கும் தமிழக மக்களே தயை கூர்ந்து யோசித்துப் பாருங்கள் நீங்கள் யார் என?)

ஓர் ஈகம் எத்தகைய விளைவுகளை ஏற்படுத்த முடியும் என்பதற்கு இது ஒரு சான்றும். முத்துக்குமாரின் தியாகத்தைத் தொடர்ந்து மிகத் தீவிரமானப் போராட்டங்களை முன்னெடுத்து பல்லாயிரக்கணக்கான ஈழத்தமிழர்களைக் காப்பாற்றி இருக்க வேண்டிய வரலாற்றுக் கடமையை நாம் செய்யத் தவறிவிட்டோம் என்பதை இப்போதேனும் நாம் உணர வேண்டாமா?

 மூலச்செய்தி: http://www.bbc.co.uk/news/world-africa-12241082

மொழிபெயர்ப்பு. ப.நற்றமிழன்

இந்தப்பதிவு கீற்று இணையதளத்திலும் வெளிவந்துள்ளது

http://keetru.com/index.php?option=com_content&view=article&id=12735:2011-02-01-05-11-10&catid=1:articles&Itemid=264

தியாகத் திருவுருவம் காங்கிரஸ்!


இந்தியா சுதந்திரமடைவதற்கு முன்பிருந்தே காங்கிரஸ் கட்சி, இந்திய அரசியலில் மிகப்பிரதானமான கட்சியாக இருந்து வருகிறது. நாடு சுதந்திரம் பெறுவதற்கு இந்திய தேசிய காங்கிரஸ் எந்த அளவுக்கு பாடுபட்டது என்பதில் யாருக்கும் ஐயமிருக்க முடியாது.

நேரு மௌண்ட் பேட்டனின் மனைவியின் புகைப்பானை பற்ற வைக்க உதவுகின்றார். (என்னமா தியாகம் பண்றாருன்னு பாருங்க மக்களே)

அதே சமயம், அந்த இந்திய தேசிய காங்கிரஸ் வேறு – சுதந்திரம் பெற்ற பிறகு ஆட்சியில் அமர்ந்த காங்கிரஸ், தன்மையிலும் தரத்திலும் வேறுபட்டது என்பது வரலாறு சரியாகப் புரிந்தவர்களுக்குத் தெரியும். அன்றிலிருந்து இன்றுவரை இன்றைய காங்கிரஸ் கட்சியும் அதன் தலைவர்களும் செய்திருக்கும் தியாகங்கள் பல (!). சுதந்திரம் அடைவதற்கு முன்னாலேயே காங்கிரஸ் தலைவர் ஜவஹர்லால் நேரு & தான் பிரதமராக வேண்டும் என்று பிடிவாதம் பிடித்ததும் உடல்நலம் குன்றிய ஜின்னா சிறிதுகாலம் பிரதமராக இருக்கட்டும் என்று மன்றாடிய மகாத்மா காந்தியின் வேண்டுகோளை நிராகரித்ததும் சரித்திரம். தான் இந்தியாவின் பிரதமராக வேண்டும் என்ற பிடிவாதத்திற்காக இந்தியாவை இரண்டாக பிளக்க ஒப்புக்கொண்டார் நேரு. அதன்விளைவாக உருவான பாகிஸ்தானால் இன்றுவரை நமக்குத் தலைவலி தீரவில்லை. ஆக, பதவிக்காக நாட்டின் ஒரு பகுதியைத் தியாகம் செய்ததிலிருந்து இந்த தியாக தீபத்தைத் தொடர்கிறது காங்கிரஸ். பின்னால் சீனாவுடன் போர் வந்த சமயத்தில் கிருஷ்ணமேனனின் ஆலோசனையை நிராகரித்து தன்னிச்சையாக செயல்பட்டதன் மூலம், போரில் வெற்றியைத் தியாகம் செய்தது நேருவின் காங்கிரஸ் ஆட்சி.

     மொரார்ஜி தேசாய்க்கும் இந்திரா காந்திக்கும் நடந்த அதிகாரப் போட்டியில் குஜராத் பல சமயங்களில் கலவர பூமியானது. வழக்கமாக காங்கிரஸ் இத்தகைய கலவரங்களுக்கு பி.ஜே.பி.யைக் குற்றம்சாட்டும். ஆனால், 1969 களில் இந்தக் கலவரங்கள் நிகழ்ந்தபோது பி.ஜே.பி. பிறக்கவேயில்லை. மகாராஷ்டிராவிலும் சிவசேனா வளர்வதற்கு முன்னாலேயே கலவரங்கள் நடைபெற்றதின் பின்னணி, காங்கிரசினுள் நிகழ்ந்த மறைமுக அதிகாரச் சண்டை என்பது சென்ற தலைமுறையினருக்குத் தெரிந்த உண்மை.

         இன்றைக்கு ‘காமராஜர் ஆட்சி’ அமைப்போம் என்று வாய்கிழிய முழக்கமிடும் காங்கிரஸ், இந்திரா காந்தியின் காலத்தில் காமராஜரையே ‘தியாகம்’ செய்துவிட்டது என்பது கசப்பான உண்மை. காங்கிரஸ் (i) என்றும் காங்கிரஸ் (0) என்றும் பிளவுபடவேண்டிய சூழ்நிலையை உருவாக்கியது. அப்போது காங்கிரஸ் (i) யாக இருந்த இன்றைய காங்கிரஸ், சுதந்திர காலத்திலிருந்து தன்னலமற்று பணியாற்றிய காமராஜ், நிஜலிங்கப்பா போன்றோரை இந்திரா காந்திக்காக போட்டுத்தள்ளியது.

        இன்று பி.ஜே.பி. பெரிது படுத்துவதாகச் சொல்லப்படும் அயோத்தி ராமர் கோயில் விவகாரம் எப்படி முளைத்தது? சரித்திரத்தைத் திரும்பிப் பார்த்தால் புரியும். பாபர் மசூதி இருக்குமிடத்தில் ராமர் விக்கிரகத்தைக் கொண்டு வந்து வைத்தது நேரு தலைமையிலான காங்கிரஸ் அரசுதான். பல வருடங்கள் நடுவில் மூடி வைக்கப்பட்டிருந்த அந்த சர்ச்சைக்குரிய இடத்தை மறுபடி திறந்து விட்டது ராஜீவ்காந்தி தலைமையிலான காங்கிரஸ் அரசு (ஷாபானு வழக்கையொட்டி நிகழ்ந்தது இது.) அயோத்தியில் பி.ஜே.பி. செய்தது சரியில்லை என்பதுதான் என் அபிப்ராயமும். ஆனால், கடைசிவரை அதை வேடிக்கை பார்த்துக்கொண்டிருந்துவிட்டு, மசூதியை இடித்தவுடன் மத்திய அரசுக்கு எதுவுமே தெரியாது என்று காங்கிரஸின் உள்துறை அமைச்சர் எஸ்.பி.சவான் சொன்னபோது, காங்கிரஸ் மூலம் மத்திய அரசு சுயகௌரவத்தைத் தியாகம் செய்தது.

        எந்த விடுதலைப் புலிகளுக்கு காங்கிரஸ் ஆதரவும் ஆயுதங்களும் கொடுத்துக்கொண்டிருந்ததோ, அதே காங்கிரஸ் தான் மிறிரிதி-ஐயும் ஆயுதங்களையும் அனுப்பி விடுதலைப் புலிகளை வீழ்த்த முற்பட்டது. இந்தியர்களின் தன்மானமும் தமிழர்களின் நலனும் சந்தோஷமாகத் தியாகம் செய்யப்பட்டது. விடுதலைப் புலிகளின் அணுகுமுறை தவறு என்றே வைத்துக்கொண்டாலும் இந்தியா இந்தப் பிரச்னையிலிருந்து ஒதுங்கியிருக்கலாம்.

             ராஜீவிற்குப் பிறகு நரசிம்மராவ் பலரும் ஆச்சரியப்படும் வகையில் ஓரளவு நல்லாட்சி கொடுத்து அசத்தினார். ஆனால் போபர்ஸ் ஆயுதபேர ஊழலில் ராஜீவின் பெயரைக் காப்பாற்றுவதாக நினைத்து அமரரான நரசிம்மராவின் நற்பெயரைத் ‘தியாகம்’ செய்து சமாளித்தது காங்கிரஸ். அதே ஊழலில் சோனியா குடும்பத்திற்கு நெருக்கமான குவாத்ரோச்சி என்ற மாஃபியா மன்னனைக் காப்பாற்ற இந்திய இறையாண்மையைத் தியாகம் செய்து குற்றவாளியைத் தப்பவிட்டதுடன் ஊழல் பணத்தையும் அவருக்கே பரிசாக அளித்து இந்தியர்களின் தன்மானத்தை தாரை வார்த்தது. அதற்கு ‘பெரிதும் உதவி புரிந்த’ பரத்வாஜைக் கர்நாடகத்து கவர்னராக்கியது காங்கிரஸ். எடியூரப்பாவின் ஊழலைப் பற்றி முழு நேர அரசியல்வாதியைப் போல் குழாய்ச் சண்டை பேட்டிகள் கொடுத்து அசத்துகிறார் இந்தக் காங்கிரஸ் தியாகி!

                எமர்ஜென்ஸி காலத்தில் பிந்தரன் வாலேயை உருவாக்கியதில் பெரும்பங்கு உண்டு இந்திரா காந்தி அம்மையாருக்கு. பின்னாளில் தன்வினை தன்னைச் சுட்டது சரித்திரம். ஆனால், அதற்காக ஆயிரக்கணக்கான சீக்கியர்களின் உயிரைத் தியாகம் செய்ய வைத்துப் பழிதீர்த்துக் கொண்டது காங்கிரஸ். இந்திய ஜனநாயகத்தின் ‘கருப்பு காலம்’ என்றழைக்கப்படும் எமர்ஜென்சி கொடுமைகளை மறைக்க – கடைசியாக காங்கிரஸ் தியாகம் செய்ய முடிவெடுத்திருப்பது சஞ்சய் காந்தியை! அவர் அவருடைய கொள்கையில் சற்று மிகையாக (Arbitrary approach) நடந்து கொண்டாராம். அவ்வளவுதான். இருப்பவர்களையே தியாகம் செய்யத் துணிபவர்களுக்கு இறந்தவர்கள் எம்மாத்திரம்? சஞ்சய் காந்தி தவறு செய்யவில்லை என்று யாரும் வாதாடவில்லை. ஆனால், காங்கிரஸின் இந்த சந்தர்ப்பவாத அரசியல்தான் அவர்களின் கொள்கைகளை சந்திசிரிக்க வைக்கிறது. சஞ்சய் காந்தி இருக்கும்போதே இதை ஒப்புக்கொண்டிருந்தால் காங்கிரசின் நேர்மையைப் பாராட்டலாம். என்ன செய்வது – இல்லாத ஒன்றை எதிர்பார்த்து ஏங்குவதே இந்தியாவின் பொதுஜனத்திற்கு தலைவிதியாகிவிட்டது!

     ஸ்பெக்ட்ரம் ஊழலில் கூட காங்கிரஸ், ஏதோ வாயில் விரல் வைத்தால் கடிக்கத் தெரியாத குழந்தைபோல் நடிக்கிறது. மக்களின் கோபத்தை தி.மு.க.வின் மேல் முழுதாகத் திருப்பிவிட்டுத் தான் தப்பிக்க வேண்டும். அதே சமயம் தி.மு.க.வின் முதுகில் கூட்டணி குதிரை ஏறி தேர்தலில் லாபம் பெறவேண்டும். எத்தனை உயர்ந்த உள்ளம்! காமன் வெல்த்தில் அடித்த ஆயிரக்கணக்கான கோடிகளிலும், ஆதர்ஷ் ஹவுசிங் அவலங்களிலும் தி.மு.க.வோ வேறு எந்தக் கட்சியுமோ சம்பந்தப்படவில்லையே. காங்கிரஸ் அரசு இதற்கெல்லாம் பொறுப்பேற்று ராஜினாமா செய்ய வேண்டியதுதானே? செய்ய மாட்டார்கள் – தன்மானத்தையே வழி வழியாக தியாகம் செய்தவர்கள் – மிஞ்சிப் போனால் தன்னளவில் நேர்மையானவர் என்று இன்றும் நம்பப்படும் பிரதமர் மன்மோகன் சிங்கைத் தியாகம் செய்ய முன்வரலாம் காங்கிரஸ்.

           இத்தனை நடந்த பின்னும் காங்கிரஸ் ஒய்யாரமாக ஆட்சியில் குந்தியிருப்பது அவர்களுடைய பலத்தால் அல்ல. பிரதான எதிர்க்கட்சியான பி.ஜே.பி.யின் பலவீனத்தால்தான். அக்கட்சியின் உச்சத்தில் இருக்கும் அரைடஜன் தலைவர்களுக்கிடையில் ஒருங்கிணைந்த கருத்துமில்லை. ஒன்றிப்போகும் எண்ணமும் இல்லை. இன்றைய அளவில் புலித்தோல் போர்த்திய பூனையாகத்தான் தெரிகிறது பி.ஜே.பி. காங்கிரசில் வாரிசு அரசியல் இல்லாதிருந்தால் அல்லது பி.ஜே.பி.யில் வாரிசு அரசியல் இருந்திருந்தால் & இரண்டு கட்சிகளுக்கும் இன்றைய அளவில் வித்தியாசமே இருந்திருக்காதோ என்று தோன்றுகிறது. காங்கிரசின் ‘தியாகம்’ தொடர்கிறது. நஷ்டம் வழக்கம்போல மக்களுக்குத்தான்!

கார்க்கோடன்

http://www.tamilagaarasiyal.com/ActionPages/Content.aspx?bid=2202&rid=100

நன்றி. தமிழக அரசியல்.

நண்பர்களுக்காக தமிழக அரசியல் இதழில் வந்த இந்த பதிவை மீள்பதிவு செய்கின்றேன். இந்த படங்கள் தான் இக்கட்டுரைக்கு சரியாக இருக்கும் என நான் கருதுகின்றேன்.

%d bloggers like this: